Telangana Employees | ప్ర‌భుత్వ ఉద్యోగుల‌కు శుభ‌వార్త‌.. రెండు డీఏలు ఇచ్చేందుకు గ్రీన్ సిగ్న‌ల్

Telangana Employees | త్రినేత్ర న్యూస్ : తెలంగాణ ప్ర‌భుత్వ ఉద్యోగుల‌కు శుభ‌వార్త‌. సుదీర్ఘ కాలంగా పెండింగ్‌లో ఉన్న క‌రువు భ‌త్యం నిధుల విడుద‌ల‌కు కాంగ్రెస్ ప్ర‌భుత్వం గ్రీన్ సిగ్న‌ల్ ఇచ్చింది. మొత్తం ఆరు డీఏలు పెండింగ్‌లో ఉన్న‌ప్ప‌టికీ ప్రాథ‌మికంగా రెండు డీఏలు ఇచ్చేందుకు ప్ర‌భుత్వం అంగీకారం తెలిపింది. బుధ‌వారం రాష్ట్ర సచివాల‌యంలో సీఎస్ సంజ‌య్ జాజూతో ఉద్యోగ సంఘాల ప్ర‌తినిధులు స‌మావేశ‌మై చ‌ర్చించారు. ఈ సంద‌ర్భంగా రెండు డీఏలు ఇచ్చేందుకు ప్ర‌భుత్వం అంగీకారం తెలిపిన‌ట్లు ఉద్యోగ సంఘాలు వెల్ల‌డించాయి. ఈ రెండు డీఏల‌లో మొద‌టి డీఏను వ‌చ్చే నెల అక్టోబ‌ర్‌లో జీతంతో క‌లిపి ఇవ్వ‌నున్నారు. మ‌రో డీఏను వ‌చ్చే ఏడాది ఉగాది పండుగ‌కు ఇచ్చేందుకు గ్నీన్ సిగ్న‌ల్ ఇచ్చింది ప్ర‌భుత్వం. ఇక పీఆర్సీ అంశం మాత్రం చ‌ర్చ‌కు రాన‌ట్లు తెలిసింది.