CM Revanth Reddy | ప్ర‌ధాని న‌రేంద్ర మోదీతో సీఎం రేవంత్ రెడ్డి భేటీ

CM Revanth Reddy | త్రినేత్ర న్యూస్ : తెలంగాణ సీఎం రేవంత్ రెడ్డి ఢిల్లీ ప‌ర్య‌ట‌న‌లో బిజీగా ఉన్నారు. ఆదివారం ప్ర‌ధాని న‌రేంద్ర మోదీతో సీఎం రేవంత్ రెడ్డి, నీటి పారుద‌ల శాఖ మంత్రి ఉత్త‌మ్ కుమార్ రెడ్డి, క్రీడ‌ల శాఖ మంత్రి వాకిటి శ్రీహ‌రి భేటీ అయ్యారు. ఈ సంద‌ర్భంగా రాష్ట్రానికి సంబంధించిన పలు కీలక అంశాలను మోదీ దృష్టికి తీసుకెళ్లారు. ఎల్‌నినో వల్ల తెలంగాణలో ఏర్పడిన కరవు పరిస్థితులు, దీనికి సంబంధించిన ప్యాకేజీ నిధులపై ప్రధానిని సీఎం కోరారు. తెలంగాణ గ్లోబల్‌ ఇన్వెస్టర్స్‌ సదస్సు, ఖేలో ఇండియా పోటీల ప్రారంభానికి మోదీని రేవంత్‌ ఆహ్వానించారు.