Bharat Future City | భార‌త్ ఫ్యూచ‌ర్ సిటీలో అమెజాన్ డేటా సెంట‌ర్.. 15న సీఎం రేవంత్ శంకుస్థాప‌న‌

Bharat Future City | త్రినేత్ర‌.న్యూస్ : ఈ నెల 15వ తేదీన భార‌త్ ఫ్యూచ‌ర్ సిటీలో అమెజాన్ డేటా సెంట‌ర్ నిర్మాణానికి సీఎం రేవంత్ రెడ్డి శంకుస్థాప‌న చేయ‌నున్నారు. ఇందుకు సంబంధించిన ఏర్పాట్లు పూర్త‌య్యాయి.

అయితే 2025 జ‌న‌వ‌రి నెల‌లో సీఎం రేవంత్ రెడ్డి దావోస్ ప‌ర్య‌ట‌న సంద‌ర్భంగా.. అమెజాన్ ప్ర‌తినిధుల‌తో కీల‌క చ‌ర్చ‌లు జ‌రిపారు. తెలంగాణ‌లో రూ. 60 వేల కోట్ల పెట్టుబ‌డికి అమెజాన్ అంగీకారం తెలిపింది. ఈ క్ర‌మంలోనే తెలంగాణ రైజింగ్ గ్లోబ‌ల్ స‌మ్మిట్ 2025 వేదిక‌గా రూ. 60 వేల కోట్ల పెట్టుబ‌డికి సంబంధించి అమెజాన్‌తో ఒప్పందం కుదుర్చుకుని సంత‌కాలు చేశారు. మొత్తంగా అమెజాన్ డేటా సెంట‌ర్‌కు భార‌త్ ఫ్యూచ‌ర్ సిటీలో 202 ఎక‌రాలు, చంద‌న్‌వెల్లిలో 98 ఎక‌రాల‌ స్థ‌లం కేటాయించారు. దీంతో పాటు అమెజాన్‌కు రూ. 125 కోట్ల విలువైన ప్రోత్సాహకాలు, రాయితీల‌ను కూడా రాష్ట్ర ప్ర‌భుత్వం క‌ల్పించింది.