Charminar Express | ఇక‌పై చెన్నై బీచ్ వ‌ర‌కే చార్మినార్ ఎక్స్‌ప్రెస్ రాక‌పోక‌లు

Charminar Express | త్రినేత్ర‌.న్యూస్ : హైద‌రాబాద్ చార్మినార్ ఎక్స్‌ప్రెస్ ప్ర‌యాణికుల‌కు ముఖ్య గ‌మ‌నిక‌. చెన్నై ఎగ్మోర్ స్టేష‌న్ పున‌రుద్ధ‌ర‌ణ ప‌నుల కార‌ణంగా.. ఇక‌పై చెన్నై బీచ్ నుంచి చార్మినార్ ఎక్స్‌ప్రెస్ రాక‌పోక‌ల‌ను కొన‌సాగించ‌నుంది. ఈ మేర‌కు ద‌క్షిణ మ‌ధ్య రైల్వే అధికారికంగా ప్ర‌క‌ట‌న విడుద‌ల చేసింది.

తాంబ‌రం - హైద‌రాబాద్ చార్మినార్ ఎక్స్‌ప్రెస్‌(12759) ఏప్రిల్ 6వ తేదీ నుంచి తాంబ‌రం స్టేష‌న్‌కు బ‌దులుగా చెన్నై బీచ్ నుంచి బ‌య‌ల్దేరుతుంద‌ని ప్ర‌క‌ట‌న‌లో పేర్కొంది. త‌దుప‌రి ఉత్త‌ర్వులు వ‌చ్చే వ‌ర‌కు ఇక్క‌డ్నుంచే రాక‌పోక‌లు కొన‌సాగుతాయ‌ని తెలిపింది. హైద‌రాబాద్ - తాంబ‌రం చార్మినార్ ఎక్స్‌ప్రెస్‌(12760) కూడా చెన్నై బీచ్ వ‌ర‌కే రాక‌పోక‌లు నిర్వ‌హించ‌నుంది.