KTR | తెలంగాణ‌లో ఎమ‌ర్జెన్సీ..! జ‌ర్న‌లిస్టుల అరెస్టుల‌పై కేటీఆర్ ఫైర్

KTR | త్రినేత్ర‌.న్యూస్ : సంక్రాంతి పండుగ పూట ముగ్గురు జ‌ర్న‌లిస్టుల‌ను అరెస్టు చేయ‌డాన్ని బీఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా ఖండించారు. తెలంగాణలో కాంగ్రెస్ పాల‌న ప్ర‌తిసారి ఎమర్జెనీని గుర్తుకు తెస్తుంద‌న్నారు. జ‌ర్న‌లిస్టుల‌ను నేర‌స్తులుగా చూడ‌డం దుర‌దృష్ట‌క‌ర‌మ‌న్నారు. ఒక వేళ విచార‌ణ జ‌ర‌పాలంటే ముందుగా

వారికి నోటీసులు జారీ చేయాల్సి ఉండే అన్నారు. అర్ధ‌రాత్రి వేళ జ‌ర్న‌లిస్టుల ఇళ్ల‌లోకి వెళ్లడం ఎంత వ‌ర‌కు స‌మంజసం అని నిల‌దీశారు. అరెస్టు చేసిన జ‌ర్న‌లిస్టుల‌ను త‌క్ష‌ణ‌మే విడుద‌ల చేయాల‌ని కేటీఆర్ డిమాండ్ చేశారు. జ‌ర్న‌లిస్టుల‌పై న‌మోదు చేసిన కేసుల్లో ఏ ఒక్క సెక్ష‌న్ కూడా నాన్ బెయిల‌బుల్ కాదు. మ‌రి ఎందుకు వారిని ఉగ్ర‌వాదుల్లాగా చూస్తున్నార‌ని ప్ర‌శ్నించారు. వారి కుటుంబాల‌ను భ‌యభ్రాంతుల‌కు గురి చేయ‌డం స‌రికాద‌న్నారు. ఈ కేసు విష‌యంలో చ‌ట్ట‌బ‌ద్దంగా విచార‌ణ జ‌ర‌పాల‌ని డీజీపీకి కేటీఆర్ సూచించారు. ఈ ఎపిసోడ్‌ను లీక్ చేయ‌డానికి అస‌లు క‌ర్త‌లు ఎవ‌రు..? మిస్ట‌ర్ 30 శాతం మ‌ద్ద‌తు లేకుండానే ప్ర‌భుత్వానికి అనుకూలంగా ఉన్న మీడియా సంస్థ‌.. ఈ క‌థ‌నాన్ని ప్ర‌సారం చేస్తుంద‌ని మీరు అనుకుంటున్నారా..? అని కేటీఆర్ పేర్కొన్నారు.