Harish Rao | ఇప్పుడు తలకాయ ఎక్కడ పెట్టుకుంటవు రేవంత్

Harish Rao | నదీ జలాలు - కాంగ్రెస్ ద్రోహాలు అంశంపై తెలంగాణ భవన్లో మాజీ మంత్రి హరీశ్ రావు పవర్ పాయింట్ ప్రజెంటేషన్ ఇచ్చారు. ఈ సందర్భంగా ఆయన మాట్లాడుతూ.. కృష్ణాలో పెండింగ్ ప్రాజెక్టులను తామే రన్నింగ్ ప్రాజెక్టులుగా చేసి ఆరున్నర లక్షల ఎకరాలకు నీళ్లు ఇచ్చామన్నారు. కల్వకుర్తిలోనే 3.5 లక్షల ఎకరాలకు నీళ్లు ఇచ్చాం. కృష్ణాలో 50:50 ఇవ్వాలని మేము 28 లేఖలు రాశాం. మేము మరణశాసనం రాశామని కాంగ్రెస్ అబద్ధాలు చెబుతోంది. కేంద్రంపై పోరాటం చేసి సెక్షన్ 3 సాధించిందే కేసీఆర్. తెలంగాణ ఏర్పడ్డాక 42 రోజుల్లోనే కృష్ణాలో 69 శాతం నీళ్లు రావాలని, కేసీఆర్ కేంద్రానికి లేఖ రాశారు. సెక్షన్ 3 కోసం 32 లేఖలను కేంద్రానికి కేసీఆర్ రాశారు. కేంద్రం మెడలు వంచి సెక్షన్ 3 సాధిస్తేనే ఇవాళ నీళ్ల పంపిణీపై ట్రిబ్యూనల్ దగ్గర వాదనలు కొనసాగుతున్నాయన్నారు. ఆ ప్రాజెక్టులను కేసీఆర్ పరిగెత్తించారు ఉమ్మడి రాష్ట్రంలో తెలంగాణకు నికరజలాలు కేటాయించకపోవడం వల్లనే తెలంగాణకు అన్యాయం జరిగింది. కల్వకుర్తి, నెట్టెంపాడు, భీమా, కోయిల్సాగర్ ప్రాజెక్టులు పరుగెత్తాలని కేసీఆర్ ఆదేశించారు. జొన్నలబోగుడ అనే ఒక రిజర్వాయర్ కూలిపోయి అలాగే ఉంది. అక్కడికి వెళ్లి నిలబడితే గబ్బిలాలు పైకి లేచాయి. మేము అక్కడే ఉండి వెంటపడి రన్నింగ్ ప్రాజెక్టులుగా మార్చాం. దాదాపు 6.50 లక్షల ఎకరాలకు పాలమూరు జిల్లాకు నీరు ఇచ్చామన్నారు. 2023లో 66:34ను ఎత్తేయించిందే బీఆర్ఎస్ బీఆర్ఎస్ పార్టీపై చిల్లర మాటలు మాట్లాడుతున్నారు. 50:50 ఇవ్వమని 28 ఉత్తరాలు రాస్తారా? 299కి కేసీఆర్ ఒప్పుకుంటే మొదటి అపెక్స్ కౌన్సిల్లో.. ఇంకెప్పుడు వేస్తావ్ ట్రిబ్యునల్ అని నిలదీస్తారా. రెండో అపెక్స్ కౌన్సిల్లో ఏడేళ్లు అయింది. నీళ్ల కోసం ఎదురుచూస్తుందని నిలదీస్తారా. సుప్రీంకోర్టుకు వెళ్తారా. ప్రతి నిమిషం కేసీఆర్ కేంద్రంపై పోరాడారు. ప్రధానికి లేఖలు రాశారు. కేంద్రాన్ని మెడలు వంచి ఒప్పించి కృష్ణాజలాల పున:పంపిణీకి, సెక్షన్ -3 సాధించిందే కేసీఆర్. 2023లో 66:34 లేకుండానే కేఆర్ఎంబీ అగ్రిమెంట్ చేసింది. 2023లో 66:34ను ఎత్తేయించిందే బీఆర్ఎస్. 66:34ను తెచ్చిందే కాంగ్రెస్. మరణశాసనం రాసింది మీరు కాదా. సెక్షన్ -3 కింద ట్రిబ్యునల్ ఏర్పాటు చేయాలని కేసీఆర్ లేఖ రాశారు. ఇది కేసీఆర్ నిజాయితీ. లేఖ చూశాక కేసీఆర్ తెలంగాణకు ద్రోహం చేశారంటే నమ్ముతారా. సెక్షన్ -3 కావాలని కేసీఆర్ 32 లేఖలు రాశారు. సెక్షన్ -3 తీసుకొస్తేనే కదా ట్రిబ్యునల్ ముందు వాదిస్తున్నావు. అది లేకపోతే కాంగ్రెస్ రాసిన మరణశాసనం 299లో ఆగమైతుండె. కృష్ణాలో మనకు 600 టీఎంసీలు రావడానికి.. ఆనాడు తెలంగాణ రాష్ట్రం తెచ్చి కేసీఆర్ ఎంత మేలు చేశారో.. సెక్షన్ -3 సాధించి తెలంగాణకు అంత మేలు చేసిన నాయకుడు కేసీఆర్ అని హరీష్రావు స్పష్టం చేశారు. ఉద్దెర మాటలు మాట్లాడుతున్న ఉత్తమ్ 2024-25లో కృష్ణానదిలో అతి తక్కువ నీటి వినియోగం చేసిందే కాంగ్రెస్. కాంగ్రెస్ ఎంత వాడిందంటే కేవలం 28.49 శాతం వాడింది. ఇంత తక్కువ స్థాయిలో నీటిని వినియోగించుకోవడం ఇదే తొలిసారి. కాంగ్రెస్ ప్రభుత్వం తెలంగాణకు చేసిన మరో ద్రోహం అదే. మంత్రి ఉత్తమ్కుమార్రెడ్డి ఉద్దెర మాటలు మాట్లాడుతున్నారు. ఏడేళ్ల బీఆర్ఎస్ హయాంలో SLBCలో పదకొండున్నర కి.మీ. టన్నెల్ తవ్వాం. దానికి రూ. 1,358 కోట్లు ఖర్చు పెట్టాం. టన్నెల్ పూర్తి అయితే డిండి, పెండ్లిపాక రిజర్వాయర్లో నీళ్లు పడుతాయి. డిండి, పెండ్లిపాక రిజర్వాయర్ల మీద 3,892 కోట్లు ఖర్చు పెట్టాం. కాంగ్రెస్ రెండేళ్లలో 18 మీటర్లు తవ్వింది. వీళ్లు మాట్లాడుతారా బీఆర్ఎస్ గురించి. కాంగ్రెస్ రెండేళ్ల పాలనలో పెద్దవాగు కొట్టుకుపోయింది. వట్టెం పంప్హౌస్ మునిగిపోయింది, SLBC కుప్పకూలింది. కాంగ్రెస్ కనీసం శవాలను కూడా బయటకు తీయలేదు. పదేళ్ల కాంగ్రెస్ పాలనలో శ్రీశైలం ద్వారా ఏపీకి 730 టీఎంసీలు పోతే.. బీఆర్ఎస్ హయాంలో 1200 టీఎంసీలు వెళ్లాయని ఉత్తమ్ అంటున్నాడు. పదేళ్ల బీఆర్ఎస్ పాలనలో 120 టీఎంసీలు మాత్రమే. కాంగ్రెస్ పాలనలో 241 టీఎంసీల నీళ్లు తరలింపు జరిగింది. కాంగ్రెస్ చేతగానితనానికి ఇది మరో నిదర్శనం. కేసీఆర్ పథకాలను కోసుడు.. అబద్ధాల వరద కోసుడు. రెండేళ్లలో 11లక్షల 60 వేల ఎకరాలకు నీళ్లు ఇస్తామన్నారు. లక్ష ఎకరాలకు కూడా కాంగ్రెస్ నీళ్లు ఇవ్వలేదు. చెక్డ్యామ్లు పేల్చుడు, ప్రాజెక్టులు కూలగొట్టుడు.. ప్రాజెక్టులు మునగ గొట్టుడు, ప్రాజెక్టులు తెగ్గొట్టుడు.. ఆయకట్టు తేలేదు గానీ..ఉన్నది చెడగొడుతున్నారు అని హరీష్రావు మండిపడ్డారు. ఏపీ ప్రభుత్వం స్టేట్మెంట్ రేవంత్ వ్యాఖ్యలు ఖండిస్తున్నామని ఏపీ ప్రభుత్వం స్టేట్మెంట్ ఇచ్చింది. రేవంత్రెడ్డి మాకు చెవిలో చెప్పలేదు.. మేం ఆపలేదు. ఈ ప్రాజెక్టు 2020లోనే జగన్మోహన్రెడ్డి ఉన్నప్పుడు.. బీఆర్ఎస్ ప్రభుత్వం ఎన్జీటీకెళ్లి స్టే తెచ్చిందని స్టేట్మెంట్ ఇచ్చారు. ఇప్పుడు తలకాయ ఎక్కడ పెట్టుకుంటావ్ రేవంత్రెడ్డి. రాష్ట్ర ప్రజలు, సభను తప్పుదోవ పట్టించిన రేవంత్ చెంపలేసుకుని క్షమాపణ చెప్పాలని హరీష్రావు డిమాండ్ చేశారు.

Harish Rao | ఇప్పుడు తలకాయ ఎక్కడ పెట్టుకుంటవు రేవంత్

FOLLOW US

ట్యాగ్స్:

సంబంధిత వార్తలు

Rayalaseema Lift Irrigation Scheme | బీఆర్ ఎస్ ఫిర్యాదుతోనే రాయలసీమ ‘లిప్ట్’ నిలిచిపోయింది: ఏపీ మంత్రి స‌విత‌

Bhatti Vikramarka | విద్యుత్ అంబులెన్స్‌లు తీసుకువ‌చ్చాం..

Uttam Kumar Reddy | కాంగ్రెస్ ప్ర‌భుత్వం వ‌చ్చాకే రాయ‌ల‌సీమ ఎత్తిపోత‌ల ఆగింది: మంత్రి ఉత్తమ్

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Anupama Parameswaran | అనుప‌మ ప‌ర‌మేశ్వ‌ర‌న్ క్రేజీ వెడ్డింగ్ - కొత్త ఏడాది గుడ్‌న్యూస్ వినిపించిన హీరోయిన్‌

Rayalaseema Lift Irrigation Scheme | బీఆర్ ఎస్ ఫిర్యాదుతోనే రాయలసీమ ‘లిప్ట్’ నిలిచిపోయింది: ఏపీ మంత్రి స‌విత‌

Bhatti Vikramarka | విద్యుత్ అంబులెన్స్‌లు తీసుకువ‌చ్చాం..

POPULAR LINKS

Nikitha Rao Godishala | మాజీ ప్రియుడి ఘాతుకం.. యూఎస్‌లో హైదరాబాద్ యువతి దారుణ హత్య

హీరోగా మార‌నున్న అకీరా నంద‌న్ - ప‌వ‌న్ క‌ళ్యాణ్ నిర్మాత‌గా డెబ్యూ మూవీ?