హీరోగా మార‌నున్న అకీరా నంద‌న్ – ప‌వ‌న్ క‌ళ్యాణ్ నిర్మాత‌గా డెబ్యూ మూవీ?

Pawan Kalyan |  ప‌వ‌న్ క‌ళ్యాణ్ త‌న‌యుడు అకీరా నంద‌న్ హీరోగా ఎంట్రీ ఇవ్వ‌బోతున్న‌ట్లు చాలా కాలంగా వార్త‌లు వినిపిస్తున్నాయి. ఓజీలో అకీరా నంద‌న్ న‌టించిన‌ట్లు ప్ర‌చారం జ‌రిగింది. చివ‌ర‌కు అది రూమ‌ర్‌గానే తేలింది. తాజాగా సోమ‌వారం సోష‌ల్ మీడియాలో ప‌వ‌న్ క‌ళ్యాణ్ నిర్మాణ సంస్థ‌ పెట్టిన ఓ పోస్ట్‌తో మ‌రోసారి అకీరా నంద‌న్‌ హీరో వార్త‌లు తెర‌పైకి వ‌చ్చాయి. త‌న‌యుడిని క‌థానాయ‌కుడిగా ప‌రిచ‌యం చేసే బాధ్య‌త‌ను తండ్రి ప‌వ‌న్ క‌ళ్యాణ్ స్వ‌యంగా తీసుకున్న‌ట్లు వార్త‌లు వినిపిస్తున్నాయి. ప‌వ‌న్ క‌ళ్యాణ్ క్రియేటివ్ వ‌ర్క్స్ పేరుతో ప‌వ‌న్ క‌ళ్యాణ్ చాలా రోజుల క్రితం సొంత నిర్మాణ సంస్థ‌ను ప్రారంభించారు. ఈ బ్యాన‌ర్‌పై స‌ర్ధార్ గ‌బ్బ‌ర్ సింగ్‌తో పాటు ఛ‌ల్ మోహ‌న రంగ సినిమాలు నిర్మించారు. ఆ త‌ర్వాత ఈ బ్యాన‌ర్‌లో మ‌ళ్లీ సినిమాలు చేయ‌లేదు ప‌వ‌న్ క‌ళ్యాణ్‌.

మార్ష‌ల్ ఆర్ట్స్ జ‌ర్నీ...

ప‌వ‌న్ క‌ళ్యాణ్ క్రియేటివ్ వ‌ర్క్స్ బ్యాన‌ర్‌ను రీ లాంఛ్ చేయ‌బోతున్న‌ట్లు ఇటీవ‌ల ప‌వ‌న్ క‌ళ్యాణ్ ప్ర‌క‌టించారు. ఈ బ్యాన‌ర్‌పై వ‌రుస‌గా కొత్త సినిమాలు చేస్తాన‌ని ప్ర‌క‌టించారు. సోమ‌వారం సోష‌ల్ మీడియాలో ప‌వ‌న్ క‌ళ్యాణ్ మార్ష‌ల్ ఆర్ట్స్ జ‌ర్నీలో కొత్త ఫేజ్.... జ‌న‌వ‌రి 7 అంటూ ఓ పోస్ట‌ర్‌ను రిలీజ్ చేశారు. ఇందులో ఓజీ మూవీలో ప‌వ‌న్ క‌ళ్యాణ్ వాడిన క‌త్తి క‌నిపిస్తోంది. ఈ పోస్ట‌ర్‌ను ప‌వ‌న్ క‌ళ్యాణ్ క్రియేట్ వ‌ర్క్స్ బ్యాన‌ర్ త‌మ అఫీషియ‌ల్ సోష‌ల్ మీడియా హ్యాండిల్ ద్వారా అభిమానుల‌తో పంచుకోవ‌డం ఆస‌క్తిక‌రంగా మారింది.
ఓజీ కోసం ప‌వ‌న్ క‌ళ్యాణ్ మార్ష‌ల్ ఆర్ట్స్ నేర్చుకున్నారు. ఈ ట్రైనింగ్‌కు సంబంధించిన వీడియోల‌ను బుధ‌వారం రిలీజ్ చేస్తార‌ని అంటున్నారు. మ‌రికొంద‌రు ఫ్యాన్స్ మాత్రం అకీరా నంద‌న్ ఎంట్రీ గురించి జ‌న‌వ‌రి 7న అప్‌డేట్ రావ‌చ్చున‌ని కామెంట్లు పెడుతున్నారు. ప‌వ‌న్ క‌ళ్యాణ్ క్రియేటివ్ వ‌ర్క్స్ బ్యాన‌ర్‌ను అకీరా నంద‌న్ డెబ్యూ మూవీ కోస‌మే ప‌వ‌న్ క‌ళ్యాణ్ రీలాంఛ్ చేశార‌ని చెబుతున్నారు. ప‌వ‌న్ క‌ళ్యాణ్ నిర్మాణంలో అకీరా నంద‌న్ తొలి సినిమా ఈ ఏడాదే లాంఛ్ అయ్యే అవ‌కాశం ఉంద‌ని అంటున్నారు.

అంద‌రి కంటే ఎక్కువ‌గా...

అకీరా నంద‌న్ హీరోగా ఎంట్రీ ఇవ్వ‌డంపై ఇటీవ‌ల ప‌వ‌న్ క‌ళ్యాణ్ మాజీ భార్య రేణు దేశాయ్ కూడా ఆస‌క్తిక‌ర వ్యాఖ్య‌లు చేసింది. అకీరా నంద‌న్ హీరో కావాల‌ని అంద‌రి కంటే తానే ఎక్కువ‌గా కోరుకుంటున్నాన‌ని, రోజు కొబ్బ‌రి కాయ‌లు కొడుతున్న‌ట్లు రేణు దేశాయ్ అన్న‌ది. ఆమె కామెంట్స్ చేసిన రెండు రోజుల‌కే ప‌వ‌న్ క‌ళ్యాణ్ క్రియేటివ్ వ‌ర్క్స్ బ్యాన‌ర్ యాక్టివ్‌గా మారడం అభిమానుల్లో ఆస‌క్తిని రేకెత్తిస్తోంది.