KCR | కుసుమ జ‌గదీశ్ బిడ్డ‌కు కేసీఆర్ అండ‌.. డాక్ట‌ర‌య్యేందుకు ఆర్థిక సాయం..

KCR | త్రినేత్ర‌.న్యూస్ : తెలంగాణ తొలి ముఖ్య‌మంత్రి, బీఆర్ఎస్ అధినేత కేసీఆర్ మ‌రోసారి గొప్ప మ‌న‌సు చాటుకున్నారు. ఆప‌ద‌లో ఉన్న పార్టీ నేత‌ల‌ను, కార్య‌క‌ర్త‌ల‌ను, వారి కుటుంబాల‌ను ఆదుకునే కేసీఆర్.. ములుగు జిల్లా పరిష‌త్ మాజీ చైర్మ‌న్ కుసుమ జ‌గ‌దీశ్ కుటుంబానికి అండ‌గా నిలిచారు. పార్టీలో మొదటి నుంచి క్రియాశీలకంగా వ్యవహరించిన కుసుమ జగదీశ్ రెండేళ్ల క్రితం అనారోగ్యంతో మరణించారు. జగదీశ్ కుమార్తె సుకీర్తి మెడిసిన్ చదవడానికి ప్రయత్నిస్తున్న విషయం.. పార్టీ నాయ‌కుల ద్వారా కేసీఆర్ తెలుసుకున్నారు. ఆమె మెడిసిన్ చదవడానికి అవసరమైన ఫీజు చెక్కును శుక్రవారం ఎర్రవెల్లి నివాసంలో సుకీర్తికి అందజేశారు. మంచిగా చదువుకోవాలని, కుటుంబానికి పార్టీ అండగా ఉంటుందని సుకీర్తిని ఆశీర్వదించారు. ఈ కార్య‌క్ర‌మంలో మాజీ ఎమ్మెల్సీ కర్నె ప్రభాకర్ , మాజీ ఎమ్మెల్యే రసమయి బాలకిషన్ కూడా పాల్గొన్నారు.