Sammakka Saralamma Jathara| మేడారం అమ్మ‌వార్ల‌ను ద‌ర్శించుకున్న బ్రిటీష్ డిప్యూటీ హై క‌మిష‌న‌ర్

Sammakka Saralamma Jathara | త్రినేత్ర‌.న్యూస్‌ : ఆదివాసీల వ‌న జాత‌ర మేడారం స‌మ్మ‌క్క సార‌ల‌మ్మ జాత‌ర (Sammakka Saralamma Jathara) సంద‌ర్భంగా అమ్మ‌వార్ల‌ను తెలంగాణ‌లోని బ్రిటీష్ డిప్యూటీ హై క‌మిష‌న‌ర్ (British Deputy High Commissioner) గ్యారెత్ విన్ ఓవెన్ శుక్ర‌వారం ద‌ర్శించుకున్నారు. ఈ సంద‌ర్భంగా ఆయ‌న తులాభారం కార్య‌క్ర‌మంలో పాల్గొని, అమ్మ‌వార్ల‌ను ద‌ర్శించుకుని మొక్కులు చెల్లించారు. సంప్రదాయ హ్యాండ్లూమ్ వస్త్రధారణలో బ్రిటీష్ అధికారి రావ‌డం అందరినీ ఆకట్టుకుంది. మేడారం మహా జాతర ప్రాధాన్యత, నూతనంగా నిర్మించిన గద్దెలు, ఆదివాసీ చరిత్ర, భక్తులకు కల్పించిన ఏర్పాట్లను మంత్రి సీతక్క, జిల్లా కలెక్టర్ టి.ఎస్. దివాకర్ ఆయనకు వివరించారు. జాతర విశేషాలను ఆయన ఎంతో ఆసక్తిగా తిలకించారు.