Tellam Venkat Rao | డీసీఎంను ఢీకొట్టిన కారు.. భద్రాచలం ఎమ్మెల్యేకు త‌ప్పిన ప్ర‌మాదం

Tellam Venkat Rao | త్రినేత్ర‌.న్యూస్‌: భద్రాచలం ఎమ్మెల్యే తెల్లం వెంకట్రావు (Tellam Venkat Rao) తృటిలో పెను ప్ర‌మాదం నుంచి త‌ప్పించుకున్నారు. హైదరాబాద్‌-విజయవాడ జాతీయ రహదారిపై పంతంగి టోల్‌ప్లాజా (Pantangi Toll Plaza) వద్ద ఆయ‌న కారు ప్ర‌మాదానికి గురైంది. దీంతో ఎమ్మెల్యే స్వ‌ల్ప గాయాల‌తో బ‌య‌ట‌ప‌డ్డారు.

ఎమ్మెల్యే తెల్లం వెక‌ట్రావు గురువారం రాత్రి భద్రాచలం (Bhadrachalam) నుంచి హైదరాబాద్‌కు కారులో వ‌స్తున్నారు. ఈ క్ర‌మంలో యాదాద్రి భువ‌న‌గిరి జిల్లా చౌటుప్ప‌ల్ మండ‌లం పంతంగి టోల్‌ప్లాజా వ‌ద్ద డీసీఎంను దాటే క్రమంలో కారు పక్క నుంచి ఢీకొంది (Accident). దీంతో ఎమ్మెల్యే కారు సైడ్‌ మిర్రర్, డోర్‌ దెబ్బతిన్నాయి. కారులో ఉన్న ఎమ్మెల్యే, ఇద్దరు గన్‌మెన్లు, డ్రైవర్‌ క్షేమంగా బయటపడ్డారు. ఈ ఘ‌ట‌న‌పై పోలీసులు కేసు న‌మోదుచేసి ద‌ర్యాప్తు చేస్తున్నారు.