Bakka Judson | రేవంత్ రెడ్డిని చెప్పుతో కొట్టే రోజులు ద‌గ్గ‌ర్లోనే ఉన్నాయి : బ‌క్కా జ‌డ్స‌న్

Bakka Judson | త్రినేత్ర‌.న్యూస్ : కాంగ్రెస్ ప్ర‌భుత్వం అధికారంలోకి వ‌చ్చిన‌ప్ప‌టి నుంచి ఏదో ఒక సంద‌ర్భంలో సీఎం రేవంత్ రెడ్డిపై ఆ పార్టీ బ‌హిష్కృత నేత బ‌క్కా జ‌డ్స‌న్ విరుచుకుప‌డుతున్న విష‌యం తెలిసిందే. తాజాగా మ‌రోసారి సీఎం రేవంత్‌పై జ‌డ్స‌న్ నిప్పులు చెరిగారు. తెలంగాణ ప్రజలు రేవంత్ రెడ్డిని చెప్పుతో కొట్టేరోజులు దగ్గరలో ఉన్నాయ‌ని ధ్వ‌జ‌మెత్తారు. తెలంగాణ స‌చివాల‌యం మీడియా పాయింట్ వెలుప‌ల జ‌డ్స‌న్ మీడియాతో మాట్లాడారు.

రేవంత్ రెడ్డి ఫ్యూచర్ లేని సిటీకి ఫ్యూచర్ తెస్తా అంటున్నాడు. ఈ నెల 26వ తేదీన ముంబై వెళ్లి రిజర్వ్ బ్యాంక్ అఫ్ ఇండియాకు రేవంత్ రెడ్డి మీద పిటిషన్ ఇచ్చి వచ్చాను. తెలంగాణలో మనకు బ్యాంక్ ఇచ్చే అప్పుకంటే, రూ.15,139 కోట్ల అప్పు ఎక్కువ తెచ్చుకున్నాం. రిజర్వ్ బ్యాంక్ అఫ్ ఇండియా ఈరోజు తెలంగాణకు అప్పు ఇవ్వనంటుంది. రేవంత్ రెడ్డి తెలంగాణ ప్రజలకు ఏ ఒక్క హామీ కూడా నెరవేర్చలేదు, ఇంత అప్పు తెచ్చి ఏం చేస్తున్నాడు? కొండూరులో రేడియల్ రోడ్డు కోసం రైతులను గ‌దుల్లో బంధించి భూసేకరణ చేస్తున్నారు. రైతుల తరపున మాట్లాడితే 70 కిలోమీటర్లు తిప్పి నందిగామ పోలీస్ స్టేషన్‌లో పెట్టారని బ‌క్కా జ‌డ్స‌న్ పేర్కొన్నారు.

ఈరోజు ఏ న్యూస్‌లో ఏం రావాలి, ఏం వేయాల‌ని ఆంధ్రా వాడు చెప్తున్నాడు. మన తెలంగాణలో ఇంతమంది అనుభవం ఉన్న మీడియా ప్రతినిధులు ఉండగా, శ్రీరామ్ కర్రీ అనే ఆంధ్రా అతన్ని ఎందుకు పెట్టుకున్నారు? రేవంత్ రెడ్డి ఇవాళ‌ 8 మంది అడ్వైజ‌ర్‌లను ఆంధ్రా నుండి తెచ్చిపెట్టుకున్నాడు, ఎందుకు ఇక్కడ లేరా? మూసీ బ్యూటిఫికేషన్ చేయరు, కేవలం రియల్ ఎస్టేట్ దందా కోసం ఇదంతా చేస్తున్నారని బ‌క్కా జ‌డ్స‌న్ మండిప‌డ్డారు.