KTR | ‘ఏఐ హబ్-స్విట్జర్లాండ్’ వ‌చ్చేసింది.. ఇక‌ స‌మాచార లోడ్‌ను నియంత్రించొచ్చు

• హైద‌రాబాద్‌లో కేటీఆర్ చేతుల మీదుగా వెబ్‌సైట్‌ ఆవిష్క‌ర‌ణ‌

KTR | త్రినేత్ర‌.న్యూస్: సాంకేతిక రంగంలో విస్తృతంగా ఉన్న సమాచార లోడ్‌ను (ఇన్ఫర్మేషన్ ఓవర్‌లోడ్) ఎదుర్కొనేందుకు స‌రికొత్త ఏఐ హ‌బ్ వెబ్‌సైట్‌ వ‌చ్చేసింది. ఏఐ హబ్ స్విట్జర్లాండ్‌ ఒక సమగ్ర ఏఐ రెఫరెన్స్ లేయర్‌గా పనిచేస్తూ డేటాను విశ్లేషించి స‌మాచార లోడ్ నియంత్రిస్తుంది. కేవలం ఒక స్టాటిక్ డైరెక్టరీలా కాకుండా 15 విభాగాల్లో 125కి పైగా వెరిఫైడ్ ఏఐ టూల్స్, రుజువైన ఆర్ఓఐ మెట్రిక్స్‌తో కూడిన 50కి పైగా ఎంటర్‌ప్రైజ్ కేస్ స్టడీలు, ఈయూ ఏఐ యాక్ట్, ఎన్‌ఐఎస్‌టీ ప్రమామాలతో సహా 23కి పైగా గ్లోబల్ గవర్నెన్స్ ఫ్రేమ్‌వర్క్‌లను ఒకే వేదికపైకి తెస్తోంది. హైదరాబాద్‌లో జరిగిన ఈ చారిత్రక లాంచ్ ఈవెంట్‌కు ముఖ్య అతిథిగా ప్రముఖ ఐటీ లీడర్, బీఆర్ఎస్ వర్కింగ్ ప్రెసిడెంట్ కే. తారక రామారావు హాజ‌ర‌య్యారు. ప్లాట్‌ఫామ్‌ ఫౌండర్ శ్రీధర్ గందెతో పాటు పలువురు ప్రముఖులు ఈ కార్యక్రమంలో పాల్గొన్నారు.

ఏఐ భవిష్యత్తును తీర్చిదిద్దడమే లక్ష్యంగా 'ది కాంప్రహెన్సివ్ ఏఐ రెఫరెన్స్ లేయర్ అండ్ గ్లోబల్ థింక్ ట్యాంక్' ఇనిషియేటివ్ ప్రారంభమైంది. ప్రముఖ గ్లోబల్ ఆర్టిఫిషియల్ ఇంటెలిజెన్స్ నాలెడ్జ్ అండ్ కంప్లయన్స్ ప్లాట్‌ఫామ్ 'ఏఐ హబ్ స్విట్జర్లాండ్' (ai-hub.host) తన పూర్తిస్థాయి డిజిటల్ ఎకోసిస్టమ్‌ను అధికారికంగా ప్రారంభించింది.

ఈ సంద‌ర్భంగా ఏఐ హబ్ స్విట్జర్లాండ్ ఫౌండర్ శ్రీధర్ గండే మాట్లాడుతూ.. "వేగవంతమైన సాంకేతిక ఆవిష్కరణలకు, బాధ్యతాయుతమైన నిబంధనలకు మధ్య ఉన్న అంతరాన్ని పూడ్చడమే ప్రధాన లక్ష్యమ‌ని తెలిపారు. "ఉదయ్ నాగరాజు నేతృత్వంలోని ఏఐ పాలసీ ల్యాబ్స్ గవర్నెన్స్ అంతర్దృష్టులను మా టెక్నికల్ రెఫరెన్స్ లేయర్‌తో అనుసంధానించడం ద్వారా పరిశ్రమలకు, విధానకర్తలకు నైతిక, సమర్థవంతమైన ఏఐ భవిష్యత్తును అందిస్తున్నాం" అని ఆయన పేర్కొన్నారు.

గ్లోబల్ థింక్ ట్యాంక్‌గా రూపాంతరం

పరిశోధకులు, నిపుణుల భాగస్వామ్యం అధికారిక రిఫరెన్స్ వేదికగా తన స్థానాన్ని మరింత పటిష్టం చేసుకునేందుకు 'ఏఐ హబ్ స్విట్జర్లాండ్' గ్లోబల్ ఏఐ థింక్ ట్యాంక్‌గా విస్తరిస్తోంది.

వీటిపై దృష్టి..

గ్లోబల్ కంట్రిబ్యూటర్ నెట్‌వర్క్: పీర్-రివ్యూడ్ బెంచ్‌మార్క్‌లు, వైట్‌పేపర్లు, టెక్నికల్ ఎవల్యూయేషన్‌లను ప్రచురించడానికి అగ్రశ్రేణి ఏఐ పరిశోధకులు, డేటా సైంటిస్టులు, ఇంజినీర్లను ఆహ్వానిస్తోంది.

ప్రాక్టీషనర్ ఇన్నోవేషన్ పాడ్స్: హెల్త్ కేర్, ఫిన్‌టెక్, ఎంటర్‌ప్రైజ్ ఆటోమేషన్ రంగాల్లో ప్రత్యేక వర్కింగ్ గ్రూప్‌లను ఏర్పాటు చేయడం ద్వారా సిద్ధాంతాలను ఆచరణలోకి తెచ్చే ఓపెన్-యాక్సెస్ ప్లేబుక్‌లను రూపొందిస్తుంది.

థాట్ లీడర్‌షిప్ డైలాగ్స్: సాంకేతిక పురోగతులు, ఆచరణాత్మక ఎంటర్‌ప్రైజ్ అమలు మధ్య ఉన్న అంతరాన్ని పూడ్చేందుకు రౌండ్‌టేబుల్ సమావేశాలు, హైబ్రిడ్ వేదికలను నిర్వహిస్తుంది. నొవార్టీస్ ఏఐ అండ్ ఇన్నోవేషన్ ఎగ్జిక్యూటివ్ డైరెక్టర్ తిరుపతి పత్తిపాక లాంటి దిగ్గజాలు ఇప్పటికే ఈ ప్యానెల్‌లో ఉన్నారు.

ఏఐ పాలసీ ల్యాబ్స్‌తో వ్యూహాత్మక భాగస్వామ్యం

పటిష్టమైన సాంకేతికతకు బాధ్యతాయుతమైన గవర్నెన్స్ తోడు కావాలనే ఉద్దేశంతో 'ఏఐ హబ్ స్విట్జర్లాండ్', ఫౌండర్ అండ్ డైరెక్టర్, UK Member of Parliament Lord ఉదయ్ నాగరాజు నేతృత్వంలోని అంతర్జాతీయ థింక్ ట్యాంక్ 'ఏఐ పాలసీ ల్యాబ్స్'తో వ్యూహాత్మక భాగస్వామ్యాన్ని ప్రకటించింది.

చేపట్టే ప్రధాన అంశాలు..

నిబంధనలతో సాంకేతికత అనుసంధానం: పాలసీ నిపుణులు అందించే గ్లోబల్ కంప్లయన్స్ ఫ్రేమ్‌వర్క్‌లను నేరుగా టెక్నికల్ గైడెన్స్‌గా అనుసంధానించడం.

క్రాస్-బోర్డర్ ఇన్నోవేషన్ డైలాగ్స్: స్విస్-యూరోపియన్ సాంకేతిక పురోగతులను భారత్, యూకేతో పాటు ప్రపంచ మార్కెట్లతో అనుసంధానించే అంతర్జాతీయ వేదికల నిర్వహణ.

జాయింట్ పాలసీ రీసెర్చ్: ఏఐ రంగంలోని మార్పులు సివిల్ సొసైటీ, లేబర్ మార్కెట్లు, క్రాస్-బోర్డర్ నిబంధనలపై ఎలాంటి ప్రభావం చూపుతున్నాయనే దానిపై పరిశోధనా పత్రాల ప్రచురణ.

ఈ ప్లాట్‌ఫామ్‌ వివరాలను https://ai-hub.host వెబ్‌సైట్‌లో సందర్శించవచ్చు.

ఈ కార్యక్రమంలో మాజీ మంత్రి ఎర్రబెల్లి దయాకర్ రావు, మహేష్ బిగాలతో పాటు యూకే, యూఎస్ నుండి వచ్చిన ఎన్ఆర్ఐలు పాల్గొన్నారు.