Adilabad RIMS | ఆదిలాబాద్ రిమ్స్‌లో విషాదం.. గ‌ర్భిణితో పాటు క‌డుపులో ఉన్న క‌వ‌ల‌లు మృతి

Adilabad RIMS | త్రినేత్ర న్యూస్ : కాళ్ల వాపుల‌తో ఆస్ప‌త్రికి వెళ్లిన ఓ గ‌ర్భిణి( Pregnant Woman )తో పాటు ఆమె క‌డుపులో ఉన్న క‌వ‌ల పిల్ల‌లు మృతి చెందారు. ఈ విషాద ఘ‌ట‌న ఆదిలాబాద్ రిమ్స్( Adilabad RIMS ) ఆస్ప‌త్రిలో చోటు చేసుకుంది.

వివ‌రాల్లోకి వెళ్తే.. ఉట్నూర్‌కు చెందిన సునీత ఏడు నెల‌ల గ‌ర్భిణి. అయితే గ‌త కొద్ది రోజుల నుంచి ఆమె కాళ్ల వాపుల‌తో బాధ‌ప‌డుతోంది. దీంతో కుటుంబ స‌భ్యులు ఈ నెల 21న రిమ్స్ ఆస్ప‌త్రిలో చేర్పించారు. అయితే చికిత్స స‌మ‌యంలో బాధితురాలికి బీపీ లెవ‌ల్స్ పెరిగిపోయాయి. ఈ క్ర‌మంలో ఆమె చ‌నిపోయిన‌ట్లు స‌మాచారం. క‌డుపులో ఉన్న క‌వ‌ల పిల్ల‌లు కూడా మృతి చెందారు. దీంతో కుటుంబ స‌భ్యులు శోక‌సంద్రంలో మునిగిపోయారు. ఈ ఘ‌ట‌న‌పై స‌మ‌గ్ర విచార‌ణ జ‌రిపించి, బాధ్యుల‌పై చ‌ర్య‌లు తీసుకోవాల‌ని కుటుంబ స‌భ్యులు డిమాండ్ చేస్తున్నారు.