Pakistan | పాకిస్తాన్‌కు షాకిచ్చిన ఇరాన్‌

ఎల్‌పీజీ ఎగుమ‌తులు నిలిపివేత‌

Pakistan | త్రినేత్ర న్యూస్ : పొరుగుదేశం పాకిస్తాన్‌( Pakistan ) కు ఇరాన్( Iran ) భారీ షాకిచ్చింది. ఇప్ప‌టికే తీవ్ర ఆర్థిక సంక్షోభంలో కొట్టుమిట్టాడుతున్న పాకిస్తాన్‌కు మూలిగే న‌క్క‌మీద తాటిపండు ప‌డ్డ‌ట్లైంది. ఇరాన్‌తో ఉన్న రెండు కీల‌క స‌రిహ‌ద్దు మార్గాల‌ను పాకిస్తాన్ మూసివేయ‌డంతో పాకిస్తాన్‌కు ఎల్‌పీజీ( LPG ) ఎగుమ‌తుల‌ను ఇరాన్ నిలిపివేసింది. పాకిస్తాన్ ప్రతిరోజూ ఇరాన్ నుంచి సుమారు 7,000 మెట్రిక్ టన్నుల ఎల్‌పీజీని దిగుమతి చేసుకుంటుంది. దీనిని ఇరాన్ నిలిపివేయ‌డంతో ఆ దేశంలో ఎల్‌పీజీ కొర‌త తీవ్రం కానుంది. దీంతో దేశ‌వ్యాప్తంగా గ్యాస్ ధ‌ర‌లు విప‌రీతంగా పెరిగిపోయాయి. ఇప్ప‌టికే పాకిస్తాన్‌లో 12 కేజీల ఎల్‌పీజీ సిలిండ‌ర్ ధ‌ర అక్క‌డి క‌రెన్సీలో 4,480 నుంచి 6,997కు పెరిగింది. ఈ ధ‌ర పెరుగుద‌ల 55 శాతం కంటే ఎక్కువ కావ‌డం గ‌మ‌నార్హం.