మరోసారి మొరాయించిన క్లౌడ్ ఫ్లేర్ స‌ర్వ‌ర్లు.. బుక్ మై షో, జిరోధా, గ్రో స‌హా ప‌లు ప్ర‌ముఖ వెబ్ సైట్ల సేవ‌ల‌కు అంత‌రాయం..

ప్రముఖ ఇంటర్నెట్ అండ్ నెట్వర్కింగ్, సైబర్ సెక్యూరిటీ సంస్థ క్లౌడ్ ఫ్లేర్ సేవలకు మరోమారు ఆటంకం ఏర్పడింది. క్లౌడ్ ఫ్లేర్ సర్వర్లు మొరాయించడంతో దేశంలోని పలు ప్రముఖ వెబ్సైట్ల సేవలకు అంతరాయం ఏర్పడింది. క్లౌడ్ ఫ్లేర్ సర్వర్లలో ఏర్పడిన సమస్య కారణంగా కాన్వా, బుక్ మై షో, లింక్డ్ ఇన్, నోషన్, గ్రో, స్పేస్ ఎక్స్, జిరోధా, కాయిన్ బేస్ వంటి పలు ప్రముఖ సైట్లు కాసేపు నిలిచిపోయాయి. దీంతో యూజర్లకు తీవ్ర ఇబ్బందులు ఏర్పడ్డాయి. కాగా గతంలోనూ నవంబర్ 18వ తేదీన క్లౌడ్ ఫ్లేర్ లో సరిగ్గా ఇలాంటి సమస్యే వచ్చి అప్పుడు కూడా పలు సైట్ల సేవలకు అంతరాయం ఏర్పడింది. అప్పట్లో క్లౌడ్ ఫ్లేర్ సర్వర్ల సమస్య వల్ల ఓపెన్ ఏఐకు చెందిన చాట్ జీపీటీతోపాటు క్లౌడ్ ఏఐ సేవలకు కూడా అంతరాయం ఏర్పడింది. కాగా శుక్రవారం నాడు తలెత్తిన సమస్య గత మూడు వారాల్లో రెండో సారి కావడం గమనార్హం. ఈ క్రమంలోనే క్లౌడ్ ఫ్లేర్ సర్వర్ల సేవలను ఉపయోగించుకుంటున్న అనేక సైట్లు కాసేపు పనిచేయలేదు. దీంతో యూజర్లు తీవ్ర ఇబ్బందులు ఎదుర్కొన్నారు. వెబ్ సైట్లను ఓపెన్ చేసినప్పుడు 500 ఇంటర్నల్ సర్వర్ ఎర్రర్ (క్లౌడ్ ఫ్లేర్) అనే మెసేజ్ దర్శనమిచ్చింది. అయితే బుక్ మై షో సేవలను కాసేపటికి పునరుద్ధరించినట్లు యాజమాన్యం తెలియజేసింది. ఇక ఈ సమస్యపై మరోవైపు క్లౌడ్ ఫ్లేర్ కూడా స్పందించింది. తాము సమస్యను గుర్తించామని, అందుకు తగిన విధంగా సాఫ్ట్ వేర్, సర్వర్లను అప్ డేట్ చేస్తున్నామని, సమస్య తొలగిపోతుందని తెలియజేసింది. అయితే క్లౌడ్ ఫ్లేర్ సర్వర్లను ఉపయోగించుకుంటున్న అనేక బ్రోకరేజ్ సంస్థలు కూడా శుక్రవారం పనిచేయలేదు. ముఖ్యంగా గ్రో, జిరోధా, అప్ స్టాక్స్ వంటి బ్రోకరేజీ సంస్థలకు చెందిన సైట్లు ఎర్రర్ మెసేజ్లను చూపించాయి. దీంతో ట్రేడింగ్ చేసే వినియోగదారులు తీవ్ర అవస్థలు పడ్డారు. ఈ విషయాన్ని గ్రో సంస్థ ఎక్స్ ద్వారా తెలియజేసింది. అలాగే ఆన్ లైన్ ఫొటో ఎడిటింగ్ సైట్ కాన్వా కూడా ఈ విషయాన్ని ఎక్స్ ద్వారా తమ వినియోగదారులకు తెలియజేసింది. గతంలో క్లౌడ్ ఫ్లేర్ సర్వర్లలో సమస్యలు ఏర్పడినప్పుడు చాట్ జీపీటీతోపాటు ఎక్స్, క్లౌడ్, పర్ప్లెక్సిటీ వంటి సైట్ల సేవలకు కూడా అంతరాయం ఏర్పడింది. అయితే క్లౌడ్ ఫ్లేర్ లో ఇలా జరగడం మూడు వారాల్లో ఇది రెండోసారి కావడంతో అనేక వెబ్ సైట్ల నిర్వాహకులు, యూజర్లు తీవ్ర అసహనం వ్యక్తం చేస్తున్నారు. ఈ విషయంపై క్లౌడ్ ఫ్లేర్ కో ఫౌండర్, సీఈవో మాథ్యూ ప్రిన్స్ స్పందించారు. 2019 తరువాత మళ్లీ ఇప్పుడే తమ సేవల్లో అంతరాయం ఏర్పడుతుందని అన్నారు. టెక్ సంస్థలకు చెందిన వెబ్ సైట్లలోని డేటాబేస్ సిస్టమ్స్లో పర్మిషన్స్లో తీసుకొచ్చిన మార్పుల కారణంగానే ఈ సమస్య తలెత్తుతుందని, దీన్ని వీలైనంత త్వరగా పరిష్కరిస్తామని, మరోసారి ఇలా జరగకుండా చూస్తామని తెలిపారు.

FOLLOW US

ట్యాగ్స్:

సంబంధిత వార్తలు

WiFi Router | రాత్రి పూట నిద్రకు ముందు వైఫై రూట‌ర్‌ను ఆఫ్ చేయాలా..? ఎందుక‌ని..?

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Ponguleti Srinivas Reddy | ధరణి అక్రమార్కులపై మంత్రి పొంగులేటి ఆగ్రహం: 'ప్రభుత్వ సొమ్మును అణా పైసాతో సహా వసూలు చేస్తాం'

Virat Kohli | చ‌రిత్ర సృష్టించిన విరాట్ కోహ్లీ.. స‌చిన్ రికార్డును బ్రేక్ చేసిన ర‌న్ మెషిన్‌..

Cyberabad Police Weekend Drunk and Drive | మందుబాబులకు సైబరాబాద్ పోలీసులు షాక్: డ్రంక్ అండ్ డ్రైవ్‌లో 137 మంది అరెస్ట్.. 10 ఏళ్ల జైలు తప్పదు!

POPULAR LINKS

Iran Protests 2026 | అట్టుడుకుతున్న ఇరాన్: ఖమేనీ పాలనకు వ్యతిరేకంగా ప్రజా గర్జన.. 200 మంది మృతి, మసీదులకు నిప్పు