Lionel Messi | మెస్సి భార‌త ప‌ర్య‌ట‌న‌లో ఫుట్ బాల్ ఆడ‌క‌పోవ‌డానికి కార‌ణం ఇదే.. అస‌లు విష‌యం తెలిస్తే షాక‌వుతారు..!

Lionel Messi | ప్రపంచ ఫుట్ బాల్ దిగ్గజ ఆటగాడు, సాకర్ మాంత్రికుడు లియోనెల్ మెస్సి భారత పర్యటన విజయవంతంగా ముగిసిన విషయం విదితమే. తొలి రోజు పర్యటనలో కోల్కతా, హైదరాబాద్ను సందర్శించగా, తరువాత వరుసగా ముంబై, ఢిల్లీలలో పర్యటించాడు. అయితే కోల్కతా పర్యటన మాత్రం చేదు అనుభవాన్ని మిగిల్చింది. కానీ మిగిలిన వేదికలపై ఇండియన్ ఫ్యాన్స్తో మెస్సి అద్భుతంగా ఎంజాయ్ చేశాడు. అలాగే ఆయా రాష్ట్రాల సీఎంలు, పలువురు సెలబ్రిటీలు సైతం మెస్సితో సందడి చేశారు. ఫుట్బాల్ ప్లేయర్స్ అతనితో ఫొటోలు దిగేందుకు, షేక్ హ్యాండ్లు ఇచ్చేందుకు ఉత్సాహం కనబరిచారు. ఈ క్రమంలోనే మెస్సి ఢిల్లీలో చివరిసారిగా భారత అభిమానులతో మాట్లాడుతూ తాను ఇండియాకు మళ్లీ తప్పక వస్తానని, ఈసారి టూర్లో కచ్చితంగా మ్యాచ్లు ఆడతానని చెప్పాడు. అయితే ప్రస్తుత పర్యటనలో మెస్సి మ్యాచ్లు ఆడకపోవడం అతని ఫ్యాన్స్ను కాస్త నిరుత్సాహ పరిచిందని చెప్పవచ్చు. అయితే మెస్సి భారత పర్యటనలో మ్యాచ్లు ఆడకపోవడానికి బలమైన కారణమే ఉందని అంటున్నారు. సెక్యూరిటీ కారణాలు కాదు కానీ, అతని ఎడమ కాలిని అతను సుమారుగా 900 మిలియన్ల డాలర్లకు ఇన్సూర్ చేయించుకున్నట్లు తెలుస్తోంది. ఈ విషయాన్ని ప్రస్తుతం మీడియాలో, సామాజిక మాధ్యమాల్లో ప్రచారం చేస్తున్నారు. అంటే మన కరెన్సీలో సుమారుగా రూ.8100 కోట్లు అన్నమాట. ఇక ఇందుకు గాను ఏడాదికి ఒక శాతం ప్రీమియం చెల్లించాలని అనుకున్నా అది ఏడాదికి 9 మిలియన్ డాలర్లు అవుతుంది. అయితే భారీ ఎత్తున డబ్బు సంపాదిస్తున్న మెస్సికి ఏడాదికి 9 మిలియన్ డాలర్ల ప్రీమియం అంటే పెద్ద లెక్క కాదని చెప్పవచ్చు. ఏడాదికి అతని సంపాదన సుమారుగా 135 మిలియన్ డాలర్లు ఉంటుందని తెలుస్తోంది. ఈ క్రమంలో అందులో చాలా మొత్తాన్ని మెస్సి కేవలం తన ఎడమ కాలి ఇన్సూరెన్స్ ప్రీమియంకే ఖర్చు చేస్తుండడం విశేషం. ఇక మెస్సి ఎడమకాలికి ఉన్న ఇన్సూరెన్స్ కేవలం అధికారిక మ్యాచ్లు లేదా తాను ప్రాతినిధ్యం వహిస్తున్న లీగ్ మ్యాచ్లకే వర్తిస్తుంది. ఎగ్జిబిషన్ మ్యాచ్లకు వర్తించదు. అధికారిక మ్యాచ్లలో ఎడమ కాలికి గాయం అయితేనే, అది కూడా అతనికి జీవితాంతం కోలుకోలేని దెబ్బగా మారితేనే అప్పుడు ఇన్సూరెన్స్ క్లెయిమ్ అవుతుంది. ఎగ్జిబిషన్ లేదా ఫ్రెండ్లీ మ్యాచ్లలో అతను గాయ పడితే దానికి ఇన్సూరెన్స్ ఇవ్వరు. కనుకనే మెస్సి భారత పర్యటనలో మ్యాచ్లను ఆడలేదని తెలుస్తోంది. అంత భారీ మొత్తంలో ఇన్సూరెన్స్ ఉన్నందున దాన్ని సాధారణ మ్యాచ్లకు అనవసరంగా ఎవరూ వదులుకోరు. కనుకనే మెస్సి మన దగ్గర రిస్క్ తీసుకోలేదు. అయితే ఈసారి మెస్సి ఇండియాకు వస్తే మాత్రం అధికారిక మ్యాచ్ నిర్వహించే అవకాశాలు ఉన్నట్లు తెలుస్తోంది. మరి మెస్సి మళ్లీ భారత్కు వస్తాడా, ఇక్కడ మ్యాచ్ ఆడతాడా.. అన్న విషయం వేచి చూస్తే తెలుస్తుంది.

Lionel Messi | మెస్సి భార‌త ప‌ర్య‌ట‌న‌లో ఫుట్ బాల్ ఆడ‌క‌పోవ‌డానికి కార‌ణం ఇదే.. అస‌లు విష‌యం తెలిస్తే షాక‌వుతారు..!

FOLLOW US

ట్యాగ్స్:

సంబంధిత వార్తలు

Messi | ఇండియా టూర్‌కు మెస్సికి రూ.89 కోట్లు ఇచ్చారు.. వెల్ల‌డించిన నిర్వాహ‌కుడు..

Anant Ambani | మెస్సికి రూ.10.91 కోట్లు విలువ చేసే వాచ్‌ను గిఫ్ట్‌గా ఇచ్చిన అనంత్ అంబానీ..!

Minister Aroop Biswas | కోల్‌క‌తా మెస్సి ఈవెంట్ దెబ్బ‌కు.. క్రీడాశాఖ మంత్రి రాజీనామా..

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Hangover | మ‌ద్యం సేవించాక హ్యాంగోవ‌ర్ రావొద్దంటే.. ఇలా చేయండి..!

Khushi Mukherjee | సూర్య‌కుమార్ యాద‌వ్ నాతో త‌ర‌చూ మాట్లాడేవాడు.. బాలీవుడ్ న‌టి సంచ‌ల‌నం..

Railway Tickets | రైల్వే ప్ర‌యాణికుల‌కు బంప‌ర్ ఆఫ‌ర్‌.. టిక్కెట్ ధ‌ర‌ల‌పై ఏకంగా 6 శాతం డిస్కౌంట్‌..

POPULAR LINKS

Ukraine Drones Attack On Moscow | మాస్కోపై ఉక్రెయిన్ డ్రోన్ల దాడి.. ధ్రువీక‌రించిన ర‌ష్యా..

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?