T20 WC | ముంబ‌యి సిద్ధి వినాయ‌కుడి సేవ‌లో టీమిండియా క్రికెట‌ర్లు..!

T20 WC | ముంబ‌యి వాంఖ‌డే స్టేడియంలో గురువారం ఇంగ్లండ్‌తో సెమీఫైన‌ల్‌లో టీమిండియా త‌ల‌ప‌డ‌నున్న‌ది. ఈ కీల‌క నాకౌట్ మ్యాచ్‌కు ముందు టీమిండియా క్రికెట‌ర్లు బుధ‌వారం ముంబ‌యి సిద్ధివినాయ‌క మందిరాన్ని సంద‌ర్శించారు. ఇషాన్ కిష‌న్‌, అభిషేక్ శ‌ర్మ‌, అక్ష‌ర్ ప‌టేల్ వినాయ‌కుడిని ద‌ర్శించుకున్నారు. ఈ సంద‌ర్భంగా క్రికెట‌ర్ల‌కు ఆల‌య నిర్వాహ‌కులు ఘ‌న స్వాగ‌తం ప‌లికారు. అనంత‌రం ఆల‌యంలో స్వామివారి ద‌ర్శ‌నాలు చేయించారు. అనంత‌రం వారిని స‌త్క‌రించి, జ్ఞాపిక‌ను అంద‌జేశారు.

ఈ టీ20ప్ర‌పంచ‌క‌క‌ప్‌లో వ‌రుస‌గా మూడు ఇన్నింగ్స్‌లో సున్నా స్కోర్‌కే వెనుదిరిగిన అభిషేక్ శ‌ర్మ ద‌క్షిణాఫ్రికాపై 15 ప‌రుగులు చేశాడు. ఆ త‌ర్వాత జింబాబ్వేపై 55, వెస్టిండీస్‌పై ప‌ది ప‌రుగులు చేసి అవుట్ అయ్యాడు. నాకౌట్ మ్యాచ్‌లోనైనా రాణిస్తాడ‌ని అభిమానులు భారీ ఆశ‌లు పెట్టుకున్నారు. మ‌రో వైపు న‌మీడియా, పాక్‌ల‌పై హాఫ్ సెంచ‌రీలు చేసిన ఇషాన్ కిష‌న్ జింబాబ్వేతో మ్యాచ్‌లో 38 ప‌రుగులు చేశాడు. సెమీస్‌లోనైనా భారీ ఇన్నింగ్స్‌ను టీమ్ మేనేజ్‌మెంట్‌తో పాటు ఫ్యాన్స్ ఆశిస్తున్నారు. అక్ష‌ర్ ప‌టేల్ సైతం పెద్ద‌గా రాణించ‌లేక‌పోయాడు. దాంతో బౌలింగ్‌తో పాటు బ్యాటింగ్‌తో రాణిస్తాడ‌నే అంచ‌నాలున్నాయి.

భార‌త్ గ్రూప్ ద‌శ‌లో అమెరికా, న‌బీమియా, పాకిస్తాన్, నెదర్లాండ్స్ జ‌ట్ల‌పై వ‌రుస విజ‌యాల‌తో సూప‌ర్‌-8లోకి ఎంట్రీ ఇచ్చింది. ఆ త‌ర్వాత ద‌క్షిణాఫ్రికా చేతిలో 76 తేడాతో ఓడిపోయింది. ఆ త‌ర్వాత జింబాబ్వేను 72 ప‌రుగుల తేడాతో, వెస్టిండీస్‌ను ఐదు వికెట్ల తేడాతో ఓడించి సెమీస్‌కు అర్హ‌త సాధించింది. సెమీస్‌లో ఈ నెల 5న (గురువారం) ఇంగ్లండ్‌తో త‌ల‌ప‌డ‌నున్న‌ది. ఈ మ్యాచ్‌లో గెలిచి మ‌రోసారి ఫైన‌ల్‌కు అర్హ‌త సాధించాల‌ని అభిమానులు కోరుకుంటున్నారు.

Read Also :

Sanju Samson | సంజు శాంస‌న్‌పై ఒక మ్యాచ్ నిషేధం విధిస్తారా..? ఐసీసీ రూల్స్ ఏమంటున్నాయి..?

MS Dhoni | ఓవ‌ర్ స్పీడ్‌.. టీమ్ఇండియా మాజీ కెప్టెన్‌కు ట్రాఫిక్ చాలాన్‌