PV Sindhu | దుబాయ్‌లో చిక్కుకున్న పీవీ సింధు.. భ‌యాన‌కంగా ఉంద‌న్న బ్యాడ్మింట‌న్ స్టార్

PV Sindhu | త్రినేత్ర‌.న్యూస్ : భార‌త బ్యాడ్మింట‌న్ స్టార్ పీవీ సింధు దుబాయ్ ఎయిర్‌పోర్టులో చిక్కుకుపోయింది. ఆల్‌ ఇంగ్లాండ్‌ బ్యాడ్మింటన్‌ ఛాంపియన్‌షిప్‌ కోసం ఆమె ఇంగ్లాండ్‌ వెళ్తోంది. పశ్చిమాసియాలో ఉద్త్రికతల కారణంగా విమాన సర్వీసులు రద్దు కావడంతో సింధు ప్రయాణం ఆగిపోయింది.

ఈ సంద‌ర్భంగా పీవీ సింధు కీల‌క ట్వీట్ చేశారు. యుద్ధ వాతావ‌ర‌ణం కొనసాగుతూనే ఉంది. ప‌రిస్థితి గంట గంట‌కూ మ‌రింత భ‌యాన‌కంగా మారుతోందని ఆమె పేర్కొన్నారు. దుబాయ్ ఎయిర్‌పోర్టుకు స‌మీపంలోనే పేలుడు సంభ‌వించింది. ఆ స‌మ‌యంలో తీవ్ర ఆందోళ‌న‌కు గుర‌య్యాం. భ‌యాన‌క‌మైన క్ష‌ణాల‌ను గ‌డిపాం అని ఆమె తెలిపారు.

దుబాయ్ ఎయిర్‌పోర్టులో చిక్కుకున్న ప్ర‌యాణికుల‌ను అధికార యంత్రాంగం సుర‌క్షిత ప్రాంతానికి త‌రలించారు. దుబాయ్ అధికారుల అవిశ్రాంత కృషికి ధ‌న్య‌వాదాలు. ప్ర‌స్తుతానికి మేమంద‌రం సుర‌క్షితంగా ఉన్నామ‌ని తెలిపారు. భార‌తీయుల‌ను సుర‌క్షితంగా ఉంచేందుకు దుబాయ్‌లోని భార‌త హైకమిష‌న్ కూడా తీవ్రంగా చ‌ర్య‌లు చేప‌ట్టింది. వారికి కూడా ప్ర‌త్యేక ధ‌న్య‌వాదాలు అని సింధు పేర్కొన్నారు.