Sabarimala Ayyappa | ఇక‌పై ఇంటికే అయ్య‌ప్ప ప్ర‌సాదం

Sabarimala Ayyappa | ఇక‌నుంచి శ‌బ‌రిమ‌ల (Sabarimala) వెళ్ల‌కుండానే శ‌బ‌రిమ‌ల అయ్య‌ప్ప ప్ర‌సాదాన్ని (Ayyappa Prasadam) నేరుగా ఇంటికే పొందవ‌చ్చు. మ‌నం ఉన్న చోటు నుంచే పోస్టాఫీసుల ద్వారా ఆర్డ‌ర్ చేస్తే స‌రిపోతుంది. ఈ మేర‌కు ట్రావెన్‌కోర్ దేవ‌స్థానం బోర్డు (Travancore Devaswom Board) త‌పాలా శాఖ‌ (Postal Department)తో ఒప్పందం కుదుర్చుకుంది. శ‌బ‌రిమ‌ల‌లోని పోస్టాఫీస్ (Post Office) భ‌క్తుల కోసం ఇంటి నుంచే ప్ర‌సాదం కొనుగోలు చేసేలా ఏర్పాట్లు చేసింది. దీంతో ఎంతో ప్ర‌త్యేక‌మైన శ‌బ‌రిమ‌ల ప్ర‌సాదాన్ని ఇంటికే తెప్పించుకోవ‌చ్చు.

దేశంలోని ఎక్క‌డి నుంచైనా స‌రే...

దేశంలోని ఏ పోస్టాఫీసు నుంచైనా స‌రే ఈ ప్ర‌సాదాన్ని కొనుగోలు చేయ‌వ‌చ్చు. ముందుగా ఏదైనా పోస్టాఫీసు నుంచి మ‌న‌కు కావాల్సిన ప్ర‌సాదం ధ‌ర చెల్లిస్తే, కొద్దిరోజుల్లోనే ప్ర‌సాదాన్ని పోస్ట‌ల్ సిబ్బంది స్వ‌యంగా ఇంటికే వ‌చ్చి అంద‌జేస్తారు. దేశంలోని అయ్య‌ప్ప భ‌క్తులంద‌రికీ శ‌బ‌రిమ‌ల ప్ర‌సాదం అంద‌డ‌మే ల‌క్ష్యంగా ప‌నిచేస్తున్నామ‌ని శ‌బ‌రిమ‌ల పోస్టాఫీస్ అధికారులు తెలిపారు.

ప్ర‌సాదంలో నెయ్యి, అర‌వ‌ణ ప్ర‌సాదం (Aravana Prasadam), ప‌సుపు, కుంకుమ, విభూతి, అర‌చ‌నై ప్ర‌సాదం ఉంటాయి.

ధ‌ర‌లిలా...

ఒక టిన్ అర‌వ‌ణ ప్ర‌సాదంతో కూడిన కిట్ ధ‌ర రూ.520
నాలుగు టిన్‌ల అర‌వ‌ణ ప్ర‌సాదంతో కూడిన కిట్ ధ‌ర రూ.960
ప‌ది టిన్‌ల అర‌వ‌ణ ప్ర‌సాదంతో కూడిన కిట్ ధ‌ర రూ.1760

శ‌బ‌రిమ‌ల పోస్టాఫీస్ సైతం ప్ర‌త్యేకం...

ప్ర‌తి ఏడాది అయ్య‌ప్ప ఆల‌యాన్ని మ‌క‌ర సంక్రాంతి జ్యోతి ద‌ర్శ‌నం నిమిత్తం తెరిచి, కొన్ని రోజుల అనంత‌రం మూసివేసే విష‌యం తెలిసిందే. అదే విధంగా శ‌బ‌రిమ‌ల పోస్టాఫీస్ సైతం ఆల‌యం తెరిచిన‌ప్ప‌డే తెరిచి, త‌రువాత మూసివేస్తారు. దేశంలో రాష్ట్ర‌ప‌తి భ‌వ‌న్‌ (Rashtrapati Bhavan) కు మాత్ర‌మే ప్ర‌త్యేక పిన్‌కోడ్ (Pincode)ఉండ‌గా, మ‌రొక ప్ర‌త్యేక పిన్‌కోడ్ ఉన్న పోస్టాఫీస్ సైతం ఇదే కావ‌డం విశేషం.