Rashmika Mandanna | పెళ్లి వేడుక‌ల‌పై ర‌ష్మిక ఎమోష‌న‌ల్ పోస్ట్ – నేష‌న‌ల్ క్ర‌ష్ ఏమ‌న్న‌దంటే?

Rashmika Mandanna |  పెళ్లితో గ‌త ప‌ది రోజులుగా వార్త‌ల్లో నిలుస్తోన్నారు విజ‌య్ దేవ‌ర‌కొండ‌, ర‌ష్మిక మంద‌న్న‌. రాజ‌స్థాన్‌లోని ఉద‌య్‌పూర్‌లో ఈ జంట వివాహం జ‌రిగింది. పెళ్లి త‌ర్వాత భార్య ర‌ష్మిక తో క‌లిసి ఫ‌స్ట్ టైమ్ సొంత ఊరు తుమ్మ‌న్‌పేట వెళ్లాడు విజ‌య్ దేవ‌ర‌కొండ‌. స‌త్య‌నారాయ‌ణ స్వామి వ్ర‌తంతో పాటు నూత‌న గృహ ప్ర‌వేశ పూజ‌లు క‌లిసి చేశారు. బుధ‌వారం విజ‌య్‌, ర‌ష్మిక త‌మ రిసెప్ష‌న్ ఏర్పాటుచేశారు. ఈ వివాహ విందులో టాలీవుడ్‌, బాలీవుడ్ సినీ ప్ర‌ముఖుల‌తో పాటు ప‌లువురు రాజ‌కీయ నాయ‌కులు హాజ‌ర‌య్యారు. బుధ‌వారం నాటితో త‌మ పెళ్లి వేడుక‌లు ముగిశాయ‌ని విజ‌య్, ర‌ష్మిక ప్ర‌క‌టించారు. తాము అండ‌ర్‌గ్రౌండ్‌లోకి వెళ్లిపోతున్న‌ట్లు వెల్ల‌డించారు.

ప్ర‌తిరోజు...ప్ర‌తి క్ష‌ణం...

ఈ పెళ్లి వేడుక‌ల‌పై ర‌ష్మిక సోష‌ల్ మీడియాలో ఓ పోస్ట్ పెట్టింది. "గత రెండు వారాలు మా జీవితంలో ఎంతో ఆనందంగా గ‌డిచిపోయాయి. ప్రతి రోజూ, ప్రతి వేడుక, ప్రతి క్షణం ... మాకు ఎన్నో మ‌ధుర‌మైన జ్ఞాప‌కాల‌ను మిగిల్చాయి. పెళ్లి వేడుక‌ల్లో భాగ‌మైన ప్ర‌తి ఒక్క‌రూ మాపై ఎనలేని ప్రేమను కురిపించారు. వారంద‌రికి హృద‌య‌పూర్వకంగా కృత‌జ్ఞ‌త‌లు చెబుతున్నాం విత్ ల‌వ్...విజ‌య్ అండ్ ర‌ష్మిక" అంటూ త‌న ట్వీట్‌లో ర‌ష్మిక పేర్కొన్న‌ది. ఆమె పోస్ట్ వైర‌ల్ అవుతోంది.

నెక్స్ట్ వీక్ నుంచి షూటింగ్‌...

పెళ్లి వేడుక‌ల‌ను ముగించిన విరోష్ జోడీ నెక్స్ట్ వీక్ నుంచి తిరిగి షూటింగ్‌ల‌లో అడుగుపెట్ట‌బోతున్న‌ట్లు చెబుతోన్నారు. ప్ర‌స్తుతం వీరిద్ద‌రు క‌లిసి క‌లిసి ర‌ణ‌బాలి అనే సినిమా చేస్తోన్నారు. పీరియాడిక‌ల్ యాక్ష‌న్‌గా రూపొందుతోన్న ఈ మూవీలో బ్రిటీష‌ర్ల‌ను ఎదురించిన యోధుడిగా విజ‌య్ దేవ‌ర‌కొండ క‌నిపించ‌బోతుండ‌గా...జ‌య‌మ్మ అనే పాత్ర‌లో ర‌ష్మిక న‌టిస్తోంది. ఈ సినిమాలోనూ వీరిద్ద‌రు భార్య‌భ‌ర్త‌లుగానే న‌టిస్తుండ‌టం గ‌మ‌నార్హం. మార్చి 12 నుంచి ర‌ణ‌బాలి షూటింగ్‌ను విజ‌య్‌, ర‌ష్మిక తిరిగి మొద‌లుపెట్ట‌బోతున్న‌ట్లు స‌మాచారం. వీరిద్ద‌రి కాంబినేష‌న్‌లో వ‌స్తోన్న మూడో మూవీ ఇది. గ‌తంలో గీత‌గోవిందం, డియ‌ర్ కామ్రేడ్ సినిమాల్లో జంట‌గా న‌టించారు విజ‌య్‌, ర‌ష్మిక‌.