Telangana Discom | తెలంగాణ‌లో మూడో డిస్కం ఏర్పాటు

Telangana Discom | తెలంగాణ‌లో మూడో డిస్కం (Third DISCOM) ఏర్పాటు చేసేందుకు ప్ర‌భుత్వం నిర్ణ‌యం తీసుకుంది. తెలంగాణ రాష్ట్రంలో విద్యుత్ పంపిణీ వ్యవస్థను మరింత బలోపేతం చేయడం, వినియోగదారులకు నాణ్యమైన, విశ్వసనీయ విద్యుత్ సరఫరా అందించేందుకు ఈ నిర్ణ‌యం తీసుకున్న‌ట్లు ప్ర‌భుత్వ వ‌ర్గాలు వెల్ల‌డించాయి. ప్రస్తుతం టీఎస్‌ఎస్‌పీడీసీఎల్‌ (TSSPDCL), టీఎస్‌ఎన్‌పీడీసీఎల్‌ (TSNPDCL) ద్వారా నిర్వహించబడుతున్న విద్యుత్ పంపిణీ వ్యవస్థలో భాగంగా, మూడవ డిస్కం (Third DISCOM) ఏర్పాటు చేసేందుకు ప్రభుత్వం ఆమోదం తెలిపింది.

వ్యవసాయం తదితర వర్గాలకు ఉచిత, సబ్సిడీ విద్యుత్ అందించడంతో పాటు, సగటు బిల్లింగ్ రేటు, సేవల వ్యయం మధ్య ఉన్న వ్యత్యాసం కారణంగా డిస్కంల ఆర్థిక పరిస్థితి దెబ్బతిన్నది. ఈ నేపథ్యంలో మౌలిక సదుపాయాల అభివృద్ధి, ఆర్‌డీఎస్‌ఎస్ వంటి కేంద్ర పథకాల అమలు సులభతరం చేయడం లక్ష్యంగా మూడవ డిస్కం ఏర్పాటు చేయాలని నిర్ణయించారు. ఈ మూడవ డిస్కం ప్రభుత్వం మద్దతు ఉన్న ప్రత్యేక వినియోగదారుల వర్గాలకు విద్యుత్ రిటైలింగ్ బాధ్యతలు నిర్వహించనుంది.