Tollywood | ర‌ద్దైన క‌రెన్సీ నోట్ల‌తో క‌థ‌తో మోసపోయాం జాన‌కి – తెలంగాణ బ్యాక్‌డ్రాప్‌ కామెడీ మూవీ

Tollywood | టాలీవుడ్‌లో ప్ర‌స్తుతం తెలంగాణ (Telangana) బ్యాక్‌డ్రాప్ సినిమాల ట్రెండ్ న‌డుస్తోంది. స్టార్లు లేకుండా తెలంగాణ యాస‌, సంస్కృతులు, క‌థ‌ల‌త‌కు ప్రాధాన్య‌మిస్తూ తెర‌కెక్కుతోన్న సినిమాలు ప్రేక్ష‌కుల‌ను ఆక‌ట్టుకుంటున్నాయి. తెలంగాణ నేటివిటీతో మ‌రో సినిమా రాబోతుంది. ఈ మూవీ టైటిల్‌తో పాటు హీరోహీరోయిన్లు ఎవ‌ర‌న్న‌ది ఆదివారం మేక‌ర్స్ రివీల్ చేశారు.

మోస‌పోయాం జాన‌కి...

క్రైమ్ కామెడీగా తెర‌కెక్కుతోన్న ఈ సినిమాకు "మోస‌పోయాం జాన‌కి" అనే పేరును ఖ‌రారు చేశారు. ఈ సినిమాలో సాయి సోహాన్‌, విస్మ‌య‌శ్రీ, విష్ణు ఓయ్‌, న‌రేంద్ర ర‌వి హీరోహీరోయిన్లుగా న‌టిస్తున్నారు. ఈ సినిమా ఫ‌స్ట్ లుక్‌ను రిలీజ్ చేశారు. ఇందులో ముగ్గురు యువకులు డబ్బు సంచులతో పాత‌కాలం నాటి అంబాసిడర్ కారు దగ్గరకు నడుచుకుంటూ వెళ్తున్న‌ట్లుగా ఈ పోస్ట‌ర్‌లో క‌నిపిస్తోంది. ప్ర‌భుత్వం ర‌ద్దు చేసిన క‌రెన్సీ నోట్లు గాలిలో ఎగురుతూ ఇందులో క‌నిపిస్తున్నాయి. ఈజీగా డ‌బ్బు సంపాదించాల‌నే ప్ర‌య‌త్నంలో ముగ్గురు యువ‌కులు ప‌డిన క‌ష్టాల‌ను వినోదాత్మ‌కంగా ఈ సినిమాలో ఆవిష్క‌రించ‌బోతున్న‌ట్లు పోస్ట‌ర్ ద్వారా మేక‌ర్స్ హింట్ ఇచ్చారు. తెలంగాణ నేటివిటీతో ఈ సినిమా రాబోతుంది.

వ‌చ్చే ఏడాది...

"మోస‌పోయాం జాన‌కి" షూటింగ్ తుది ద‌శ‌కు చేరుకుంది. వ‌చ్చే ఏడాది ఈ సినిమాను థియేట‌ర్ల‌లోకి తీసుకురాబోతున్న‌ట్లు మేక‌ర్స్ ప్ర‌క‌టించారు. ఈ సినిమాలో హ‌రితేజ‌, జీవ‌న్ కుమార్‌, ముర‌ళీధ‌ర్ గౌడ్ కీల‌క పాత్ర‌ల్లో క‌నిపించ‌బోతున్నారు. మోస‌పోయాం జాన‌కి సినిమాను నిశాంక్ రెడ్డి కుడితి, మహేందర్ రెడ్డి తిగుళ్ల నిర్మిస్తున్నారు. గ‌తంలో పొట్టేల్ సినిమాను నిర్మించారు. ఈ సినిమాకు సురేష్ బొబ్బిలి మ్యూజిక్ అందిస్తున్నారు.