Ntr | ఊహించ‌ని కాంబో సెట్‌ – అనిల్ రావిపూడితో ఎన్టీఆర్ మూవీ

Ntr |  టాలీవుడ్‌లో ఊహించ‌ని కాంబినేష‌న్ సెట్ట‌య్యింది. ఎన్టీఆర్ (NTR) హీరోగా అనిల్ రావిపూడి (Anil Ravipudi)ద‌ర్శ‌క‌త్వంలో ఓ సినిమా రాబోతుంది. ఈ మూవీని శ‌నివారం అఫీషియ‌ల్‌గా ప్ర‌క‌టించారు ఎన్టీఆర్‌. డైరెక్ట‌ర్ అనిల్ రావిపూడి, సోద‌రుడు క‌ళ్యాణ్ రామ్‌ల‌తో క‌లిసి దిగిన ఓ ఫొటోను అభిమానుల‌తో పంచుకున్నారు. "అనిల్ రావిపూడితో న‌వ్వుల విందుకు సిద్ధం" అంటూ ఈ ఫొటోకు క్యాప్ష‌న్ ఇచ్చారు. ఈ సినిమాకు క‌ళ్యాణ్ రామ్ ప్రొడ్యూస‌ర్‌గా వ్య‌వ‌హ‌రించ‌బోతున్నారు. ఎన్టీఆర్ ఆర్ట్స్ బ్యాన‌ర్‌పై  నిర్మించ‌నున్నారు. "నా క‌ల‌ల కాంబినేష‌న్" అంటూ ఈ సినిమా గురించి క‌ళ్యాణ్ రామ్ కూడా సోష‌ల్ మీడియాలో ఓ పోస్ట్ పెట్టారు.

డ్రాగ‌న్‌...

ఎన్టీఆర్ శైలి మాస్ అంశాల‌కు వినోదాన్ని జోడించి ఎన్టీఆర్, అనిల్ రావిపూడి మూవీ రూపొంద‌నున్న‌ట్లు స‌మాచారం. త్వ‌ర‌లోనే రెగ్యుల‌ర్ షూటింగ్ మొద‌లుకాబోతున్న‌ట్లు ప్ర‌క‌టించారు. సంక్రాంతి త‌ర్వాత ఈ సినిమా సెట్స్‌పైకి  వచ్చే అవకాశం ఉందని సమాచారం.  ప్ర‌స్తుతం ప్ర‌శాంత్ నీల్ "డ్రాగ‌న్" షూటింగ్‌తో ఎన్టీఆర్ బిజీగా ఉన్నారు. పీరియాడిక‌ల్ యాక్ష‌న్‌గా తెర‌కెక్కుతోన్న ఈ మూవీ వ‌చ్చే ఏడాది జూన్‌లో థియేట‌ర్ల‌లోకి రాబోతుంది. డ్రాగ‌న్ త‌ర్వాత త్రివిక్ర‌మ్ డైరెక్ష‌న్‌లో "గాడ్ ఆఫ్ వార్" పేరుతో ఓ మైథాల‌జీ మూవీ చేయ‌నున్నారు ఎన్టీఆర్‌. గాడ్ ఆఫ్ వార్ కంటే ముందే ఎన్టీఆర్‌, అనిల్ రావిపూడి మూవీ సెట్స్‌పైకి రానున్న‌ట్లు స‌మాచారం.

జ‌న‌వ‌రి 12 విడుద‌ల‌

మ‌రోవైపు అనిల్ రావిపూడి ద‌ర్శ‌క‌త్వం వ‌హిస్తున్న "జ‌న‌వ‌రి 12 విడుద‌ల" వ‌చ్చే ఏడాది సంక్రాంతి థియేట‌ర్ల‌లోకి రాబోతుంది. ఈ మ‌ల్టీస్టార‌ర్ మూవీలో వెంక‌టేష్‌, క‌ళ్యాణ్ రామ్ హీరోలుగా న‌టిస్తోన్నారు.