Paadi Koushik Reddy | ఎన్ని నోటీసులిచ్చినా వెన‌క్కి త‌గ్గ‌ను: పాడి కౌశిక్ రెడ్డి

త్రినేత్ర‌.న్యూస్‌: సీఎం రేవంత్ రెడ్డి నన్ను ల‌క్ష్యంగా చేసుకున్నార‌ని, నాపై ఎన్ని కేసులు (Cases) పెట్టినా, నోటీసులు (Notices) ఇచ్చినా ప్ర‌శ్నించే గొంతును అణ‌చ‌లేర‌ని ఎమ్మెల్యే పాడి కౌశిక్ రెడ్డి (MLA Padi Koushik Reddy) అన్నారు. కానీ నా కుటుంబాన్ని, మా BRS కుటుంబ సభ్యులను ఇబ్బంది పెట్టడం బాధ క‌లిగించింద‌న్నారు. మీరు ప్రజలకు ఇచ్చిన హామీలు నెరవేర్చే వరకు ప్రజల తరఫున మిమ్మల్ని ప్రశ్నిస్తూనే (Questioning) ఉంటా, నిలదీస్తూనే ఉంటా అని స్ప‌ష్టం చేశారు. ఈ మేర‌కు ఆయ‌న ఒక ప్ర‌క‌ట‌న విడుద‌ల చేశారు.

బాధ క‌లిగించింది..

ఏదో ఒక విధంగా ఇబ్బంది పెట్టాలనే ఉద్దేశంతో నాకు, నా కుటుంబానికి, మా BRS కుటుంబ సభ్యులకు CID నోటీసులు ఇవ్వడం ఎంతో బాధ కలిగించింది. ప్రభుత్వాన్ని ప్రశ్నిస్తున్నాననే కారణంతో నా కుటుంబ సభ్యులను, మా BRS కుటుంబ సభ్యులను ఇలా బెదిరింపులకు గురిచేయడం తగునా? రాజకీయాలు నాపై చేయండి.. కానీ నా కుటుంబాన్ని, మా BRS కుటుంబ సభ్యులను ఇబ్బంది పెట్టడం ఎంతవరకు న్యాయం? అని ప్ర‌శ్నించారు.

హామీలు నెర‌వేర్చే వ‌ర‌కు ప్ర‌శ్నిస్తూనే ఉంటా..

అయినా సరే.. నన్ను ఎన్ని ఇబ్బందులు పెట్టినా, ఎన్ని నోటీసులు ఇచ్చినా, నేను వెనక్కి తగ్గను. మీరు ప్రజలకు ఇచ్చిన హామీలు నెరవేర్చాలి. అప్ప‌టివ‌ర‌కు ప్రజల తరఫున మిమ్మల్ని ప్రశ్నిస్తూనే ఉంటాను. నిలదీస్తూనే ఉంటాను. ఇది నా వ్యక్తిగత పోరాటం కాదు. ప్రజల కోసం చేసే బాధ్యత. ప్రశ్నించే గొంతును అణచలేరు. ప్రజల కోసం నా పోరాటం కొనసాగుతూనే ఉంటుంది అని కౌశిక్ రెడ్డి స్ప‌ష్టం చేశారు.