త్రినేత్ర News Logo
DIGITAL-NEWS

Tollywood | ఇంటివాడుకాబోతున్న టాలీవుడ్ యంగ్ హీరో

టాలీవుడ్ యంగ్ హీరో శివ కందుకూరి గుడ్‌న్యూస్ వినిపించాడు. త్వ‌ర‌లోనే పెళ్లిపీట‌లు ఎక్క‌బోతున్న‌ట్లు ప్ర‌క‌టించాడు. హైద‌రాబాద్‌కు చెందిన ఆర్కిటెక్ట్ శిశిర సింహాతో శివ కందుకూరి పెళ్లి డిసెంబ‌ర్‌లో జ‌రుగ‌బోతుంది. తెలుగులో చూసీ చూడంగానే, భూత‌ద్ధం భాస్క‌ర్ నారాయ‌ణ‌, మ‌ను చ‌రిత్ర సినిమాల్లో హీరోగా న‌టించాడు శివ కందుకూరి.

N

Entertainment | Published On Nov 20, 2026, 1.42 pm IST

Tollywood | ఇంటివాడుకాబోతున్న టాలీవుడ్ యంగ్ హీరో
Advertisement

Tollywood | టాలీవుడ్ యంగ్ హీరోలు ఒక్కొక్క‌రుగా పెళ్లి క‌బురు వినిపిస్తున్నారు. ఇటీవ‌లే మెగా హీరో సాయిధ‌ర‌మ్‌తేజ్ ఎంగేజ్‌మెంట్ జ‌రిగింది. హ‌నుమాన్ ఫేమ్ తేజా స‌జ్జా వ‌చ్చే నెల‌లో కొత్త జీవితాన్ని మొద‌లుపెట్ట‌బోతున్నారు. తాజాగా మ‌రో తెలుగు హీరో ఓ ఇంటివాడుకాబోతున్నాడు. శివ కందుకూరి పెళ్లి శిశిర సింహ‌తో డిసెంబ‌ర్‌లో జ‌రుగ‌బోతుంది. ఈ గుడ్‌న్యూస్‌ను శివ కందుకూరి అభిమానుల‌తో పంచుకున్నారు. కాబోయే భార్య‌తో దిగిన ఫొటోల‌ను సోష‌ల్ మీడియాలో షేర్ చేశాడు. ఇందులో వీరిద్ద‌రు ఎంగేజ్‌మెంట్ రింగ్‌ల‌ను చూపిస్తూ క‌నిపిస్తున్నారు. హైద‌రాబాద్‌కు చెందిన శిశిర సింహా ఆర్కిటెక్ట్‌గా ప‌నిచేస్తోంది. గ‌త కొన్నేళ్లుగా శివ‌, శిశిర ప్రేమ‌లో ఉన్న‌ట్లు స‌మాచారం. పెద్దల అంగీకారంతో ఈ జంట వైవాహిక బంధంలోకి అడుగుపెట్ట‌నున్న‌ట్లు తెలిసింది.

చూసీ చూడంగానే...

నిర్మాత రాజ్ కందుకూరి త‌న‌యుడిగా శివ కందుకూరి చూసీ చూడంగానే సినిమాతో టాలీవుడ్‌లోకి ఎంట్రీ ఇచ్చాడు. ఆ త‌ర్వాత గ‌మ‌నం, మ‌ను చ‌రిత్ర‌, భూత‌ద్దం భాస్క‌ర్ నారాయణ సినిమాల్లో హీరోగా న‌టించాడు. శ‌ర్వానంద్ మ‌న‌మే సినిమాలో ఓ కీల‌క పాత్ర‌ను పోషించాడు. ప్ర‌స్తుతం హీరోగా టాల్క‌మ్ ఫౌడ‌ర్ అనే మూవీ చేస్తున్నాడు.

 

Advertisement
Advertisement