Web Series | టైటాన్ వాచ్ చ‌రిత్ర‌పై వెబ్‌సిరీస్ – లీడ్ రోల్‌లో కుబేర విల‌న్ – ఎందులో స్ట్రీమింగ్ అంటే?

Web Series | ఇండియాలోనే ఫేమ‌స్ వాచ్ బ్రాండ్స్‌లో ఒక‌టిగా టైటాన్ కొన‌సాగుతోంది. మ‌న దేశంలో అత్యంత పురాత‌న బ్రాండ్ కూడా ఇదే. ఆ టైటాన్ వాచ్ చ‌రిత్ర‌తో ఓ వెబ్‌సిరీస్ రాబోతుంది. మేడిన్ ఇండియా ఏ టైటాన్ స్టోరీ పేరుతో తెర‌కెక్కుతోన్న ఈ వెబ్‌సిరీస్ జూన్ 3 నుంచి అమెజాన్ ప్రైమ్ వీడియో, అమెజాన్ ఎమ్ఎక్స్‌ప్లేయ‌ర్‌ల‌లో స్ట్రీమింగ్ కాబోతుంది. ఈ వెబ్‌సిరీస్‌లో న‌సీరుద్దీన్ షా, జిమ్ స‌ర్భ్ కీల‌క పాత్ర‌ల్లో న‌టిస్తున్నారు. రాబీ గ్రేవాల్ ద‌ర్శ‌క‌త్వం వ‌హిస్తున్నారు. జ‌ర్న‌లిస్ట్ విన‌య్ కామ‌త్ రాసిన టైటాన్ ఇన్‌సైడ్ ఇండియాస్ మోస్ట్ స‌క్సెస్‌ఫుల్ క‌న్జ్యూమ‌ర్ బ్రాండ్ అనే బుక్ ఆధారంగా ఈ వెబ్‌సిరీస్ తెర‌కెక్కుతోంది.

జెర్సెస్ దేశాయ్‌గా...

టైటాన్ కంపెనీ స్థాపన‌లో జేఆర్‌డీ టాటాతో జాటు జెర్సెస్ దేశాయ్‌ల‌కు ఎలాంటి అడ్డంకులు ఎదుర‌య్యాయి? ల‌గ్జ‌రీ వాచ్‌ల‌ను త‌యారు చేయ‌డం ఇండియాకు చేత‌కాదు అంటూ ఎదురైన అవ‌మానాల‌కు వారు ఎలా బ‌దులిచ్చారు అనే అంశాల‌తో ఈ సిరీస్ రూపొంద‌నున్న‌ట్లు ట్రైల‌ర్‌లో చూపించారు. ఈ వెబ్‌సిరీస్‌లో జేఆర్‌డీ టాటా పాత్ర‌లో న‌సీరుద్దున్ షా క‌నిపించ‌బోతుండ‌గా...జెర్సెస్ దేశాయ్‌గా జిమ్ స‌ర్భ్ న‌టిస్తోన్నారు. కంప్లీట్ పీరియాడిక‌ల్ ఎలిమెంట్స్‌తో ఈ సిరీస్ సాగ‌నుంది.

కుబేర సినిమాలో

బాలీవుడ్ న‌టుడు అయిన జిమ్ స‌ర్భ్ తెలుగులో కుబేర సినిమాలో విల‌న్‌గా న‌టించాడు. నాగార్జున‌, ధ‌నుష్ హీరోలుగా శేఖ‌ర్ క‌మ్ముల ద‌ర్శ‌క‌త్వంలో రూపొందిన ఈ మూవీ వంద కోట్ల వ‌సూళ్ల‌ను ద‌క్కించుకుంది.