Messi | కోల్‌క‌తా స్టేడియంలో మెస్సీ అభిమానుల ర‌చ్చ‌

Messi | కోల్‌క‌తా (Kolkata) లోని సాల్ట్ లేక్ స్టేడియం (Salt Lake Stadium)లో మెస్సీ (Messi) అభిమానులు ర‌చ్చ రచ్చ చేశారు. అర్జెంటినా (Argentina) ఫుట్‌బాల్ స్టార్ ప్లేయ‌ర్ లియోన‌ల్ మెస్సీ భార‌త ప‌ర్య‌ట‌న‌లో భాగంగా ముందుగా కోల్‌క‌తాలో మ్యాచ్ ఆడాల్సి ఉంది. దీని కోసం వివిధ రాష్ట్రాల నుంచి అభిమానులు పెద్ద ఎత్తున టికెట్లు కొని స్టేడియానికి త‌ర‌లివ‌చ్చారు. స్టేడియంలో మ్యాచ్ ఆడాల్సిన మెస్సీ మ్యాచ్ ఆడ‌కుండానే వెనుదిరిగారు. దీంతో అభిమానులు తీవ్ర నిరాశ చెంది, విధ్వంసానికి పాల్ప‌డ్డారు.

స్టేడియంలో ఫ్లెక్సీలు చించి, స్టేడియంలోకి కుర్చీలు, బాటిళ్లు విసిరేసారు. పెద్ద ఎత్తున నినదిస్తూ గ్రౌండ్‌లోకి చొచ్చుకెళ్లారు. గ్రౌండ్‌లోని టెంట్లు కూల్చేస్తూ, కుర్చీలు ధ్వంసం చేస్తూ విధ్వంసం సృష్టించారు. నిర్వాహ‌కులు స‌రైన ఏర్పాట్లు చేయ‌లేదంటూ గంద‌ర‌గోళం సృష్టించారు. అప్ర‌మ‌త్త‌మైన అధికారులు వారిని అడ్డుకునేందుకు భ‌ద్ర‌తా సిబ్బందిని రంగంలోకి దించారు.

సాయంత్రం హైద‌రాబాద్ (Hyderabad) లోని ఉప్ప‌ల్ స్టేడియంలో మెస్సీ ఫుట్‌బాల్ మ్యాచ్ ఆడే నేప‌థ్యంలో అభిమానుల్లో ఉత్కంఠ నెల‌కొంది. భాగ్య‌నగ‌రంలోనైనా మెస్సీ మ్యాచ్ ఆడ‌తాడా లేడా అని అభిమానులు ఎదురుచూస్తున్నారు.