Inter Results | తెలంగాణలో ఇంటర్ సప్లిమెంటరీ ఫలితాలు విడుదల

Inter Results | త్రినేత్ర‌.న్యూస్ : తెలంగాణ‌లో ఇంట‌ర్ స‌ప్లిమెంట‌రీ ఫ‌లితాలు విడుద‌ల‌య్యాయి. ఇంట‌ర్ ఫస్టియ‌ర్‌లో 68.84 శాతం ఉత్తీర్ణత న‌మోదు కాగా, ద్వితీయ సంవ‌త్స‌రంలో 49.29 శాతం ఉత్తీర్ణత న‌మోదైన‌ట్లు ఇంట‌ర్ బోర్డు అధికారులు వెల్ల‌డించారు. ఈ సప్లిమెంటరీ ఫలితాల్లోనూ బాలికలదే పైచేయి. ప్ర‌థ‌మ సంవ‌త్స‌రంలో బాలిక‌లు 76.10 శాతం ఉత్తీర్ణ‌త న‌మోదు చేయ‌గా, ద్వితీయ సంవ‌త్స‌రంలో 52.56 మంది ఉత్తీర్ణ‌త సాధించారు. బాలుర విష‌యానికి వ‌స్తే ఫ‌స్టియ‌ర్‌లో 62.57 శాతం, రెండో ఏడాదిలో 47.45 శాతం ఉత్తీర్ణ‌త సాధించారు.

మే 22 నుంచి 25వ తేదీ వ‌ర‌కు నిర్వ‌హించిన ఇంట‌ర్ అడ్వాన్స్‌డ్ స‌ప్లిమెంట‌రీ ప‌రీక్ష‌లకు రాష్ట్ర వ్యాప్తంగా 3,98,459 మంది విద్యార్థులు హాజ‌ర‌య్యారు. ఫ‌స్టియ‌ర్ ప‌రీక్ష‌ల‌కు 2,67,331 హాజ‌రు కాగా, 1,84,042 మంది పాస‌య్యారు. సెకండియ‌ర్ ప‌రీక్ష‌ల‌కు 1,31,128 మంది విద్యార్థులు హాజ‌రు కాగా, 64,639 మంది ఉత్తీర్ణ‌త సాధించారు.