Haq OTT | ఓటీటీలోకి ఓజీ విల‌న్ కోర్టు రూమ్ డ్రామా మూవీ – స్ట్రీమింగ్ డేట్, ప్లాట్‌ఫామ్ ఫిక్స్‌

Haq OTT బాలీవుడ్ హీరో, ఓజీ ఫేమ్ ఇమ్రాన్ హ‌ష్మీ హీరోగా న‌టించిన హ‌క్ మూవీ థియేట‌ర్ల‌లో విమ‌ర్శ‌కుల ప్ర‌శంస‌ల‌ను అందుకుంది. క‌మ‌ర్షియ‌ల్‌గా మాత్రం ఈ కోర్ట్‌రూమ్ డ్రామా స‌రైన విజ‌యాన్ని అందుకోలేక‌పోయింది. సుప‌ర్ణ్‌ వ‌ర్మ ద‌ర్శ‌క‌త్వంలో వ‌హించిన ఈ బాలీవుడ్ మూవీలో యామీ గౌత‌మ్ హీరోయిన్‌గా నటించింది.ఈ కోర్ట్‌రూమ్ డ్రామా మూవీ ఓటీటీలోకి వ‌స్తుంది. జ‌న‌వ‌రి 2 నుంచి నెట్‌ఫ్లిక్స్‌లో స్ట్రీమింగ్ కాబోతుంది. రిలీజ్ డేట్‌ను అఫీషియ‌ల్‌గా ప్ర‌క‌టించిన నెట్‌ఫ్లిక్స్ ఓ పోస్ట‌ర్‌ను రిలీజ్ చేసింది.

వాస్త‌వ ఘ‌ట‌న‌ల‌తో...

1985లో దేశ‌వ్యాప్తంగా సంచ‌ల‌నం సృష్టించిన మ‌హ్మ‌ద్ అహ్మ‌ద్ ఖాన్ వ‌ర్సెస్ ష బానో బేగం కేసు ఆధారంగా హ‌క్ మూవీ రూపొందింది. కాన్సెప్ట్‌తో పాటు ఇమ్రాన్ హ‌ష్మీ, యామీ గౌత‌మ్ యాక్టింగ్ అద్భుతంగా ఉందంటూ ఆడియెన్స్ పేర్కొన్నారు. నిర్మాత‌ల‌కు మాత్రం ఈ సినిమా లాభాల‌ను తెచ్చిపెట్ట‌లేక‌పోయింది. దాదాపు 45 కోట్ల బ‌డ్జెట్‌తో రూపొందిన హ‌క్ 28 కోట్ల లోపే వ‌సూళ్ల‌ను ద‌క్కించుకుంది. ట్రిపుల్ త‌లాక్ చ‌ట్టం రాక‌ముందు ముస్లిం మ‌హిళ‌ల ప‌రిస్థితి ఎలా ఉండేది? ఈ చ‌ట్టం వారి జీవితాల్లో ఎలాంటి మార్పును తీసుకొచ్చింద‌న్న‌ది ఆలోచ‌నాత్మ‌కంగా ఈ సినిమాలో చూపించారు డైరెక్ట‌ర్‌. హ‌క్ మూవీలో నెగెటివ్ షేడ్స్‌తో కూడిన క్యారెక్ట‌ర్‌లో ఇమ్రాన్ హ‌ష్మీ న‌టించాడు.

హ‌క్ మూవీ క‌థ ఏంటంటే?

మ‌హ్మ‌ద్ అబ్బాస్ ఖాన్ (ఇమ్రాన్ హ‌ష్మీ) ఓ లాయ‌ర్‌. భార్య షాజియా బానో, ముగ్గురు పిల్ల‌ల‌తో క‌లిసి సంతోషంగా వారి జీవితం సాగిపోతుంది. ఓ రోజు ప్రియురాలు సైరా జ‌హాన్‌ను ఇంటికి తీసుకొస్తాడు అబ్బాస్ ఖాన్‌. అడ్డు చెప్పిన షాజియా బానోకు ట్రిపుల్ త‌లాక్ చెబుతాడు. న్యాయం కోసం కోర్టును ఆశ్ర‌యిస్తుంది షాజియా బానో. ఈ కేసులో కోర్టు ఆమెకు ఎలాంటి న్యాయం చేసింది? స్వ‌త‌హాగా లాయ‌ర్ అయిన అబ్బాస్ ఖాన్ కోర్టులో ఎలా వాదించాడు? అన్న‌దే ఈ మూవీ క‌థ‌. హ‌క్ మూవీలో వ‌ర్తిక సింగ్‌, దానిష్ హుస్సేన్ కీల‌క పాత్ర‌ల్లో క‌నిపించారు. హ‌క్ మూవీని ద‌ర్శ‌క‌త్వం వ‌హించిన సుప‌ర్ణ్ వ‌ర్మ గ‌తంలో ఫ్యామిలీ మ్యాన్‌తో పాటు రానా నాయుడు వెబ్‌సిరీస్‌ల‌కు ద‌ర్శ‌క‌త్వం వ‌హించాడు.