Cold Wave | చ‌లితో వ‌ణుకుతున్న తెలంగాణ‌

Cold Wave | కోల్డ్ వేవ్ (Cold Wave)మ‌రింత తీవ్ర‌త‌రం కావ‌డంతో తెలంగాణ (Telangana) వ్యాప్తంగా చ‌లితీవ్ర‌త పెరిగింది. రాత్రి ఉష్ణోగ్ర‌త‌లు (Temperatures) రికార్డు స్థాయిలో ప‌డిపోయాయి. రాష్ట్ర‌మంత‌టా ప‌రిస్థితి ఇదే విధంగా ఉంది. రాష్ట్ర‌వ్యాప్తంగా అత్య‌ల్ప ఉష్ణోగ్ర‌త‌లు న‌మోదువుత‌న్నాయి. తెల్ల‌వారుజామున పొగ‌మంచు రాష్ట్రాన్ని క‌ప్పేస్తోంది. ఈ ప‌రిస్థితి ఈ నెల 17వ తేదీ వ‌ర‌కు కొనసాగుతుంద‌ని వాతావ‌ర‌ణ శాఖ ఇప్ప‌టికే హెచ్చ‌రించింది. ముందుగా ఉత్త‌ర తెలంగాణ జిల్లాల‌పై చ‌లిపంజా విసిరింది.
ఆదిలాబాద్ జిల్లాలోనే అత్య‌ల్ప ఉష్ణోగ్ర‌త‌లు
ఉమ్మ‌డి ఆదిలాబాద్ జిల్లా మొత్తం ఎక్క‌డ చూసినా ఉష్ణోగ్ర‌త సింగిల్ డిజిట్‌కే ప‌రిమిత‌మైంది. అత్య‌ల్పంగా గిన్నెద‌రిలో 6.6 డిగ్రీలు, అర్లిటిలో 6.7 డిగ్రీలు, తిర్యానిలో 7.4 డిగ్రీలు, ఆదిలాబాద్ అర్బ‌న్ జీఎస్ ఎస్టేట్‌లో 8 డిగ్రీలు, బ‌జారాత్నూర్‌లో 8.1 డిగ్రీలు, కెర‌మేరిలో 8.2 డిగ్రీలు, రామ్‌న‌గ‌ర్‌లో 8.3 డిగ్రీలు, పొచ్చెర‌లో 8.4 డిగ్రీలు, సాత్నాల‌లో 8.8 డిగ్రీలు, సోనాల‌లో 8.9 డిగ్రీలు, నేర‌డిగొండ‌లో 9 డిగ్రీలు, పిప్ప‌ల్‌ద‌రిలో 9.1 డిగ్రీలు, త‌ల‌మ‌డుగులో 9.1 డిగ్రీలు, జామ్‌లో 9.2 డిగ్రీలు, వ‌డ్యాల‌లో 9.3 డిగ్రీలు, వ‌నాల్పాడ్‌లో 9.5 డిగ్రీలు, సిర్పూర్‌, ద‌నోరా, ఖానాపూర్‌, పాత ఎల్లాపూర్‌ల‌లో 9.6 డిగ్రీల ఉష్ణోగ్ర‌త‌లు న‌మోద‌య్యాయి.