Star Campaigners | స్టార్ క్యాంపెయిన‌ర్ల జాబితాలో సీఎం రేవంత్‌, భ‌ట్టి

త్రినేత్ర‌.న్యూస్‌: త్వ‌ర‌లో నిర్వ‌హించ‌నున్న అసెంబ్లీ ఎన్నిక‌ల సంద‌ర్భంగా స్టార్ క్యాంపెయిన‌ర్ల (Star Campaigners) జాబితాలో సీఎం రేవంత్‌రెడ్డికి కాంగ్రెస్ అధిష్టానం చోటు క‌ల్పించింది. కేర‌ళ‌, అసోం, పుదుచ్చేరి మూడు రాష్ట్రాలకు 40 మంది చొప్పున స్టార్​ క్యాంపెయినర్లను ఏఐసీసీ అధ్యక్షుడు మల్లిఖార్జున ఖర్గే (Mallikarjun Kharge) నియ‌మించారు. ఈ మేర‌కు శుక్ర‌వారం సాయంత్రం ఆయ‌న జాబితా (List) ను విడుదల చేశారు. ఇందులో తెలంగాణ నుంచి సీఎం రేవంత్ రెడ్డి (CM Revanth Reddy), డిప్యూటీ సీఎం భట్టి, మంత్రులు ఉత్తమ్​ కుమార్ రెడ్డి, పొన్నం ప్రభాకర్​ల పేర్లు ఉన్నాయి.

కొద్ది రోజుల్లో కేర‌ళ‌, అసోం, పుదుచ్చేరి రాష్ట్రాల్లో అసెంబ్లీ ఎన్నిక‌లు జ‌ర‌గ‌నున్నాయి. ఆయా రాష్ట్రాల్లో పార్టీని గెలిపించేందుకు కాంగ్రెస్ పార్టీ ఇప్ప‌టికే ప్ర‌య‌త్నాలు మొద‌లుపెట్టింది. అత్యంత ప్ర‌భావంగా ఉన్న నాయ‌కుల‌ను ప్ర‌చారంలో దింపేందుకు ప్ర‌ణాళిక‌లు ర‌చిస్తోంది.