Telangana Budget | ప్ర‌భుత్వ ఉద్యోగులు, పెన్ష‌న‌ర్ల‌కు న‌గ‌దు ర‌హిత ఆరోగ్య భ‌ద్ర‌త: భ‌ట్టి

త్రినేత్ర‌.న్యూస్‌: Cashless Health Security కొన్ని ద‌శాబ్దాల నుంచి ప్ర‌భుత్వ ఉద్యోగులు, పెన్ష‌న‌ర్లు ఎదురు చూస్తున్న న‌గ‌దు ర‌హిత ఆరోగ్య భ‌ద్ర‌త (Cashless Health Security) ప‌థ‌కాన్ని ప్రారంభిస్తున్న‌ట్లు భ‌ట్టి విక్ర‌మార్క (Bhatti Vikramarka) అసెంబ్లీ(Assembly) లో ప్ర‌క‌టించారు. ఈ ప‌థ‌కం ఉద్యోగ‌స్తులు, పెన్ష‌న‌ర్లు వారిపై ఆధార‌ప‌డిన కుటుంబ స‌భ్యులంద‌రికీ వ‌ర్తిస్తుంద‌ని వెల్ల‌డించారు. ఇది తాము క‌ల్పించే భ‌ద్ర‌త‌, భ‌రోసా అని చెప్పారు.

న‌గ‌దు ర‌హిత ఆరోగ్య భ‌ద్ర‌త‌...

ఈ ప‌థ‌కాన్ని రాజీవ్ ఆరోగ్యశ్రీ ట్ర‌స్టు ద్వారా అమ‌లు చేస్తామ‌ని చెప్పారు. ప్ర‌భుత్వ ఆసుప‌త్రుల‌తో పాటు 421 ఎంపానెల్ ప్ర‌యివేట్ ఆసుప‌త్రుల్లో 1,998 వ్యాధుల‌కు ఈ ప‌థ‌కంలో చికిత్స పొందొచ్చ‌ని తెలిపారు. ప్ర‌తి ఉద్యోగికి డిజిట‌ల్ హెల్త్ కార్డును కూడా అందిస్తామ‌ని పేర్కొన్నారు. దాదాపు 23 ల‌క్ష‌ల 51 వేల మంది ఉద్యోగ‌స్తులు, పెన్ష‌న‌ర్లు వారిపై ఆధార‌ప‌డిన కుటుంబ స‌భ్యులు ల‌బ్ధి పొందుతార‌ని వివ‌రించారు.

స‌మ‌గ్ర ప్ర‌మాద బీమా ప‌థ‌కం..

ఉద్యోగుల భ‌ద్ర‌త కోసం దేశంలోనే తొలిసారిగా స‌మ‌గ్ర ప్ర‌మాద బీమా ప‌థ‌కాన్ని ప్ర‌వేళ‌పెట్టిన‌ట్లు భ‌ట్టి పేర్కొన్నారు. ఈ ప‌థ‌కం ద్వారా రాష్ట్రంలో ప‌ని చేస్తున్న ప్ర‌భుత్వ ఉద్యోగులు, పెన్ష‌న‌ర్లు ప్ర‌మాద‌వ‌శాత్తు మ‌ర‌ణిస్తే రూ. కోటీ ఇర‌వై ల‌క్ష‌ల ప్ర‌మాద బీమా వ‌ర్తిస్తుంద‌ని చెప్పారు. 60 ఏండ్ల వ‌ర‌కు 10 ల‌క్ష‌ల రూపాయ‌ల ట‌ర్మ్ లైఫ్ ఇన్సూరెన్స్‌, విమాన ప్ర‌మాదంలో మ‌ర‌ణిస్తే రూ.2 కోట్ల అద‌న‌పు క‌వ‌రేజీ ల‌భించేలా ఈ ప‌థ‌కాన్ని రూపొందించిన‌ట్లు స్ప‌ష్టం చేశారు. ఇది 7 ల‌క్ష‌ల 57 వేల ప్ర‌భుత్వ ఉద్యోగులు, పెన్ష‌న‌ర్ల‌కు వ‌ర్తించ‌నున్న‌ట్లు వెల్ల‌డించారు.