Road Accident | రోడ్డు ప్ర‌మాదంలో బీటెక్ విద్యార్థిని మృతి

Road Accident | న‌గ‌ర శివారు మేడిప‌ల్లి (Medipally)లో జ‌రిగిన రోడ్డు ప్ర‌మాదం (Road Accident) లో బీటెక్ విద్యార్థిని దుర్మ‌ర‌ణం పాల‌యింది. ఘ‌ట్‌కేస‌ర్ (Ghatkesar) ప్రాంతంలోని ఒక ప్రైవేట్ ఇంజినీరింగ్ క‌ళాశాల‌లో హాసిని (18)అనే యువ‌తి బీటెక్ మొద‌టి సంవ‌త్స‌రం చ‌దువుతోంది. సిరిసిల్ల‌కు చెందిన ఆమె స‌మీపంలోని క‌ళాశాల‌ హాస్ట‌ల్‌లో ఉంటోంది. ఆదివారం స్నేహితుడు అక్ష‌య్‌తో క‌లిసి ఉప్ప‌ల్ కు వెళ్లి తిరిగి అర్ధ‌రాత్రి రెండు గంట‌ల‌కు బైక్‌పై తిరిగి వ‌స్తుండ‌గా, బైక్ అదుపుత‌ప్పి పడిపోయింది. ఈ ప్ర‌మాదంలో త‌ల‌కు తీవ్ర గాయాలై అక్క‌డిక‌క్క‌డే మృతి చెందింది. అక్ష‌య్ తీవ్ర గాయాల‌తో ఆస్ప‌త్రిలో చికిత్స పొందుతున్నారు. బైక్ అతివేగం కార‌ణంగానే ప్ర‌మాదం జ‌రిగింద‌ని పోలీసులు ప్రాథ‌మికంగా భావిస్తున్నారు. హాసిని కుటుంబ‌స‌భ్యుల ఫిర్యాదు మేర‌కు పోలీసులు కేసు న‌మోదు చేసుకుని ద‌ర్యాప్తు చేస్తున్నారు.