Building Collapsed | ఢిల్లీలో కూలిన మూడంతస్తుల భవనం.. ఇద్దరు మృతి
Building Collapsed | దేశ రాజధాని ఢిల్లీ (Delhi)లో ఘోర ప్రమాదం చోటు చేసుకుంది. పాత ఢిల్లీలోని చావ్రి బజార్లో గురువారం ఉదయం నిర్మాణంలో ఉన్న మూడు అంతస్తుల భవనం కూలిపోయింది (Building Collapsed).
Building Collapsed | త్రినేత్ర న్యూస్ : దేశ రాజధాని ఢిల్లీ (Delhi)లో ఘోర ప్రమాదం చోటు చేసుకుంది. పాత ఢిల్లీలోని చావ్రి బజార్లో గురువారం ఉదయం నిర్మాణంలో ఉన్న మూడు అంతస్తుల భవనం కూలిపోయింది (Building Collapsed). ఈ ఘటనలో ఇద్దరు వ్యక్తులు ప్రాణాలు కోల్పోగా.. అనేక మంది శిథిలాల కింద చిక్కుకున్నారు. సమాచారం అందుకున్న రెస్క్యూ టీమ్ హుటాహుటిన ఘటనాస్థలికి చేరుకొని సహాయక చర్యలు చేపట్టింది.
చావ్రి బజార్ (Chawri Bazaar) మెట్రో స్టేషన్ సమీపంలోని గలి సితార (Gali Sitara) ప్రాంతంలో ఉదయం 9:50 గంటలకు ఈ ప్రమాదం జరిగినట్లు అధికారులు తెలిపారు. వాటర్ టెండర్లు, ఆరు ఫైర్ ఇంజిన్లతో ఘటనాస్థలికి చేరుకున్న అధికారులు అక్కడ సహాయక చర్యలు చేపట్టారు. శిథిలాల కింద చిక్కుకున్న వారిని రక్షించేందుకు తీవ్రంగా ప్రయత్నిస్తున్నారు.
కాగా, ఢిల్లీలో వరుసగా భవనాలు కూలిపోతుండటం ఆందోళన కలిగిస్తోంది. ఇటీవలే ఈశాన్య ఢిల్లీలోని మిలన్ గార్డెన్ ప్రాంతంలోనూ నిర్మాణంలో ఉన్న భవనంలోని రెండు స్లాబులు కూలిపోయాయి. ఈ ప్రమాదంలో చంద్రపాల్ (60), విజయ్ కుమార్ (33) మరణించారు. పాత ఇంటిపై కొత్త అంతస్తు నిర్మిస్తుండగా పైకప్పులో కొంత భాగం కూలిపోవడంతో ఈ ప్రమాదం జరిగింది. అంతకుముందు అక్టోబర్ 7న ఈశాన్య ఢిల్లీలోని సీమాపురి ప్రాంతంలో నాలుగు అంతస్తుల భవనం కూలిపోవడంతో చిన్నారి సహా ముగ్గురు మరణించిన విషయం తెలిసిందే. ఈ ప్రమాదంలో మరో ఎనిమిది మంది గాయపడ్డారు. ఇలా వరుస ఘటనలపై స్థానికుల్లో తీవ్ర ఆందోళన వ్యక్తమవుతోంది.
ప్రభుత్వంపై ఆప్ ఫైర్
ఇక తాజా ఘటనపై ఆప్ నేత సౌరభ్ భరద్వాజ్ తీవ్రంగా స్పందించారు. ఈ మేరకు రేఖా గుప్తా నేతృత్వంలోని బీజేపీ ప్రభుత్వం, మున్సిపల్ కార్పొరేషన్ ఆఫ్ ఢిల్లీ (MCD)పై తీవ్రంగా మండిపడ్డారు. సెప్టెంబర్ 6న దక్షిణ ఢిల్లీలోని సత్యానికేతన్లో నికేతన్లో PG భవనం కూలిపోయిన తర్వాత.. ఎంసీడీ భద్రతా ఆడిట్లను నిర్వహించిన విషయాన్ని గుర్తు చేశారు. తనిఖీలు జరిగినప్పటికీ భవనాలు ఎందుకు కూలుతున్నాయి..? అంటూ రేఖా గుప్తా ప్రభుత్వాన్ని ప్రశ్నించారు. నిబంధనలకు విరుద్ధంగా ఉన్న భవనాలపై చర్యలు తీసుకోవడంలో వివిధ పౌర, ప్రభుత్వ విభాగాలు సెలెక్టివ్ విధానాన్ని అవలంభిస్తున్నాయని, లంచాల ప్రభావంతోనే ఈ చర్యలు ఉంటున్నాయని ఆరోపించారు. లంచాలు ఇవ్వడానికి నిరాకరించిన భవనాలను మాత్రమే ఎంసీడీ సీజ్ చేస్తోందని ఆయన సంచలన ఆరోపణలు చేశారు.
Also Read..
భర్త జీతం రూ.40 లక్షలు.. అయినా భార్యకు భరణం పొందే హక్కు లేదు : హైకోర్టు
సోషల్ మీడియాలో బాలల లైంగిక వేధింపుల కంటెంట్.. మెటాపై ఢిల్లీ పోలీసులు కేసు నమోదు
ట్యాగ్స్:
సంబంధిత వార్తలు

Delhi Air Pollution | ఢిల్లీలో ప్రమాదకరస్థాయికి గాలి నాణ్యత.. ఉక్కిరిబిక్కిరి అవుతున్న ప్రజలు
నవంబర్ 13, 2026

Gold Price | బంగారం ధరలకు మళ్లీ బ్రేక్.. ఒక్కరోజే రూ.800 డౌన్.. వెండి రూ.5వేలు పతనం
నవంబర్ 11, 2026

Most Polluted Cities | ప్రపంచంలోని అత్యంత కలుషితమైన 50 నగరాల్లో 47 భారత్లోనే..!
నవంబర్ 10, 2026
తాజావార్తలు
- ●Microsoft | మైక్రోసాఫ్ట్ గ్లోబల్ షట్డౌన్.. క్షమాపణలు చెప్పిన సంస్థ..
- ●Harish Rao | తెలంగాణ ప్రజలకు కావాల్సింది జిమ్మిక్కులు కాదు.. జవాబుదారీతనం: హరీశ్ రావు
- ●KTR | రాహుల్ గాంధీ.. ఎన్నికల సమయంలో ఇచ్చిన హామీల అమలు ఏది?: కేటీఆర్
- ●Kangana Ranaut | గాంధీ కుటుంబంపై వివాదాస్పద పోస్ట్.. బీజేపీ ఎంపీ కంగనా రనౌత్పై ఎఫ్ఐఆర్
- ●Traffic Restrictions | గిగ్ వర్కర్ల బైక్ ర్యాలీ.. 12 గంటల వరకు హైదరాబాద్లో ట్రాఫిక్ ఆంక్షలు
- ●IRCTC Tour | ఐదు రోజులు ప్రకృతి ఒడిలో.. చలికాలంలో దండకారణ్య అందాలు చూసొద్దామా..?

Microsoft | మైక్రోసాఫ్ట్ గ్లోబల్ షట్డౌన్.. క్షమాపణలు చెప్పిన సంస్థ..

Harish Rao | తెలంగాణ ప్రజలకు కావాల్సింది జిమ్మిక్కులు కాదు.. జవాబుదారీతనం: హరీశ్ రావు

KTR | రాహుల్ గాంధీ.. ఎన్నికల సమయంలో ఇచ్చిన హామీల అమలు ఏది?: కేటీఆర్

Kangana Ranaut | గాంధీ కుటుంబంపై వివాదాస్పద పోస్ట్.. బీజేపీ ఎంపీ కంగనా రనౌత్పై ఎఫ్ఐఆర్



