Abhishek Banerjee | అలా అయితే.. టీఎంసీ ప్ర‌భుత్వాన్ని పున‌రుద్ధ‌రించండి : అభిషేక్ బెన‌ర్జీ డిమాండ్‌

Abhishek Banerjee | త్రినేత్ర న్యూస్ : తృణ‌మూల్ కాంగ్రెస్ (Trinamool Congress) ఎంపీ అభిషేక్ బెన‌ర్జీ (Abhishek Banerjee) కీల‌క వ్యాఖ్య‌లు చేశారు. ప‌శ్చిమ బెంగాల్‌లో సువేందు అధికారి నేతృత్వంలోని బీజేపీ ప్రభుత్వ ఎన్నికల చట్టబద్ధతను తీవ్రంగా ప్ర‌శ్నించారు. సుప్రీంకోర్టు జోక్యం చేసుకుని గతంలో ఉన్న తృణమూల్ కాంగ్రెస్ (TMC) ప్రభుత్వాన్ని పునరుద్ధరించాలని, ఆరు నెలల్లోగా తాజా ఎన్నికలు నిర్వహించేలా ఆదేశాలు ఇవ్వాల‌ని డిమాండ్ చేశారు. ఓట‌ర్ల వివ‌రాల ప‌రిశీల‌న కోసం ఎన్నిక‌ల సంఘం ఉప‌యోగించిన లాజిక‌ల్ డిస్క్రిపెన్సీ కేట‌గిరీపై తాము ఇంకా ఎలాంటి తీర్పు ఇవ్వ‌లేద‌ని సుప్రీంకోర్టు స్ప‌ష్టం చేసిన నేప‌థ్యంలో ఆయ‌న ఈ వ్యాఖ్య‌లు చేశారు.

తారుమారు చేసిన ఓట్ల తీర్పు ద్వారా పూర్తి స్థాయి ప్రభుత్వం ఎలా ఏర్పడుతుంది..? అంటూ ప్ర‌శ్నించారు. ఆ లెక్కన చూస్తే ప్రస్తుతం అధికారంలో ఉన్న బీజేపీ ప్రభుత్వాన్ని కేవలం మధ్యంతర (Interim) ప్రభుత్వంలానే పరిగణించాలని వ్యాఖ్యానించారు. సుప్రీంకోర్టు జోక్యం చేసుకుని పాత ప్రభుత్వాన్ని పునరుద్ధరించాలని, అర్హులైన ప్రతి ఓటరుకు తిరిగి ఓటు హక్కు కల్పించి ఆరు నెలల్లో కొత్తగా ఎన్నికలు నిర్వ‌హించేలా ఆదేశాలు ఇవ్వాల‌ని డిమాండ్ చేశారు.

ఢిల్లీలో జరుగుతున్న స‌ర్‌ ప్రక్రియలో ఓటర్లకు జారీ చేసిన నోటీసుల్లో పారదర్శకత కొరవడిందంటూ సుప్రీంకోర్టులో పిటిష‌న్ దాఖ‌లైంది. ఈ పిటిష‌న్‌పై విచార‌ణ సంద‌ర్భంగా సుప్రీంకోర్టు కీల‌క వ్యాఖ్య‌లు చేసింది. ఓటర్ల వివరాల పరిశీలన కోసం ప్రవేశపెట్టిన లాజికల్ డిస్క్రిపెన్సీ (Logical Discrepancy) విధానాన్ని పశ్చిమ బెంగాల్‌లో కేవలం ఒక మధ్యంతర ఏర్పాట్లు (Interim Arrangement) గానే అనుమతించామని, దీని చట్టబద్ధతపై తాము ఇంకా తుది తీర్పు ఇవ్వలేదని చీఫ్ జస్టిస్ సూర్యకాంత్, జస్టిస్ జాయ్‌మాల్య బాగ్చీ, జస్టిస్ వి. మోహనలతో కూడిన ధర్మాసనం స్పష్టం చేసింది. బీహార్‌లో స‌ర్ విష‌యంలో తీసుకున్న నిర్ణ‌యం.. ఈ ప్ర‌క్రియ నుంచి త‌లెత్తే ప్ర‌తి అంశానికి స‌బంధించిన తుది నిర్ణ‌యం కాద‌ని పేర్కొంది.

Also Read..

వార‌ణాసి నుంచి నాగ్‌పూర్ వ‌ర‌కూ.. మోదీ ప్ర‌భుత్వ‌ విధానాలను ప్ర‌జలు తిర‌స్క‌రించారు

ఇరాన్ యుద్ధం ఎఫెక్ట్‌.. విమానయాన రంగానికి రూ.38 వేల కోట్ల నష్టాలు..

ఇక‌ పెన్షనర్లకు.. డిజిటల్ లైఫ్ సర్టిఫికెట్ ఇంట్లో నుంచే సులభంగా..