Sonam Wangchuk | ఇది భయం వీడిన ప్రజల విజయం : ధర్మేంద్ర ప్రధాన్ రాజీనామాపై సోనమ్ వాంగ్‌చుక్

• కేంద్ర విద్యాశాఖ మంత్రిగా ధర్మేంద్ర ప్రధాన్ రాజీనామా
• ఈ అనూహ్య పరిణామంపై ఎక్స్ వేదికగా హర్షం వ్యక్తం చేసిన సోనమ్ వాంగ్‌చుక్
• ఇది ప్రజాస్వామ్య విజయమని, వీధుల్లో పోరాడిన Gen Z యువతదే ఈ క్రెడిట్ అని ప్రశంస
• జవాబుదారీతనం (Accountability) నుంచి విద్యావ్యవస్థలో సంస్కరణల (Reforms) వైపు అడుగులు పడాలని ఆకాంక్ష

Sonam Wangchuk | త్రినేత్ర.న్యూస్ : దేశవ్యాప్తంగా సంచలనం సృష్టించిన పరిణామాల మధ్య.. కేంద్ర విద్యాశాఖ మంత్రి (Education Minister) ధర్మేంద్ర ప్రధాన్ తన పదవికి రాజీనామా చేశారు. ఈ అనూహ్య పరిణామంపై ప్రముఖ విద్యావేత్త, సామాజిక కార్యకర్త సోనమ్ వాంగ్‌చుక్ (Sonam Wangchuk) తనదైన శైలిలో స్పందించారు. భయాన్ని వీడి రోడ్లపైకి వచ్చి పోరాడిన ప్రతి ఒక్క పౌరుడికి ఆయన కృతజ్ఞతలు తెలిపారు.

డెమోక్రసీ సాధించిన విజయం

సోషల్ మీడియా ఎక్స్ వేదికగా వాంగ్‌చుక్ ఒక సుదీర్ఘమైన పోస్ట్ చేశారు. "ఇది డెమోక్రసీ (Democracy) సాధించిన విజయం. వీధుల్లో నుంచి పుట్టుకొచ్చిన డైరెక్ట్ డెమోక్రసీకి నిదర్శనం" అని ఆయన అభివర్ణించారు. కేవలం శాంతి, సహనం, పట్టుదల ద్వారానే ఈ భారీ విజయం సాధ్యమైందని ఆయన స్పష్టం చేశారు.

జెన్-జీ యువతకు సెల్యూట్

ఈ సందర్భంగా వాంగ్‌చుక్ దేశ యువతను ప్రత్యేకంగా కొనియాడారు. కాక్రోచ్ జనతా పార్టీతో పాటు.. ఈ పోరాటంలో ముందు నిలిచిన నేషన్స్ జెన్-జీ (Gen Z) యువతకు శుభాకాంక్షలు తెలిపారు. దేశంలోని నలుమూలల నుంచి తమలో ఉన్న భయాన్ని పక్కనపెట్టి ఎదిరించిన పౌరులందరికీ ఆయన ధన్యవాదాలు తెలియజేశారు.

ఇక ఫోకస్ రిఫార్మ్స్ పైనే

కేవలం ఒక రాజీనామాతో ఈ పోరాటం ఆగిపోకూడదని వాంగ్‌చుక్ గుర్తుచేశారు. జవాబుదారీతనం (Accountability) సాధించిన మనం, ఇప్పుడు విద్యావ్యవస్థలో సంస్కరణల (Reforms) దిశగా అడుగులు వేయాలని డిమాండ్ చేశారు. మంత్రి రాజీనామా అనంతరం ఆయన చేసిన ఈ ట్వీట్ ఇప్పుడు నెట్టింట వైరల్ గా మారింది.

IT'S A VICTORY OF DEMOCRACY
direct democracy... straight from the streets.
It's a victory of peace, patience & persévérance.
Congratulations CJP, Gen Z of the nation and thank you all citizens for shedding fear and the fear of fear and rising up from every corner of the nation.… pic.twitter.com/rSLOfvba2R

— Sonam Wangchuk (@Wangchuk66) July 25, 2026