Lucknow Ravana Hoardings | దసరా వేళ లక్నోలో పోస్టర్లు: రావణుడి 10 తలలుగా రాహుల్ గాంధీ, అఖిలేష్ యాదవ్, ఎలాన్ మస్క్!

దసరా వేళ లక్నోలో వెలిసిన ఓ హోర్డింగ్ ఇప్పుడు దేశవ్యాప్తంగా హాట్ టాపిక్‌గా మారింది. రావణుడి 10 తలలుగా రాహుల్ గాంధీ, ఎలాన్ మస్క్‌లను ఎందుకు పెట్టారో తెలుసా?

Jagadeesh

National | Published On Oct 18, 2026, 1.51 pm IST

Lucknow Ravana Hoardings | దసరా వేళ లక్నోలో పోస్టర్లు: రావణుడి 10 తలలుగా రాహుల్ గాంధీ, అఖిలేష్ యాదవ్, ఎలాన్ మస్క్!

సంక్షిప్త సారాంశం

దసరా పండుగకు ముందు ఉత్తరప్రదేశ్ రాజధాని లక్నోలో 'సనాతన్ రక్షా సంఘటన్' ఏర్పాటు చేసిన వివాదాస్పద హోర్డింగ్స్ కలకలం రేపాయి. ఈ పోస్టర్లలో రాహుల్ గాంధీ, అఖిలేష్ యాదవ్, అమెరికా బిలియనీర్ ఎలాన్ మస్క్ సహా 10 మంది ప్రముఖులను రావణుడి పది తలలుగా చిత్రీకరించారు. "సనాతన భారత్ శత్రువులైన రావణుడు" అనే టైటిల్‌తో హజ్రత్‌గంజ్, గోమతీ నగర్ వంటి ప్రధాన కూడళ్లలో వీటిని ఏర్పాటు చేశారు. తమ నేతల ఫోటోలు ఉండటంతో తీవ్ర ఆగ్రహం వ్యక్తం చేసిన సమాజ్‌వాదీ పార్టీ (SP) కార్యకర్తలు ఆదివారం ఆ హోర్డింగ్స్‌ను తొలగించారు.

Lucknow Ravana Hoardings | త్రినేత్ర న్యూస్ : దసరా పండుగ సమీపిస్తున్న వేళ ఉత్తరప్రదేశ్ రాజధాని లక్నోలో ఊహించని పోస్టర్ల వివాదం తెరపైకి వచ్చింది. లోక్‌సభ ప్రతిపక్ష నేత రాహుల్ గాంధీ, సమాజ్‌వాదీ పార్టీ (SP) అధినేత అఖిలేష్ యాదవ్, ప్రముఖ అమెరికన్ టెక్ బిలియనీర్ ఎలాన్ మస్క్ సహా పలువురు ప్రముఖులను రావణాసురుడి 10 తలలుగా చిత్రీకరిస్తూ ఆదివారం నగరంలోని పలు కీలక ప్రాంతాల్లో భారీ హోర్డింగ్స్ వెలిశాయి.

ఎవరు ఏర్పాటు చేశారు? ఆ 10 మంది ఎవరు?

'సనాతన్ రక్షా సంఘటన్' అనే సంస్థ ఈ వివాదాస్పద హోర్డింగ్స్‌ను ఏర్పాటు చేసింది. వీటిపై "సనాతన భారత్ శత్రువులైన రావణుడు" (Ravana, Enemies of Sanatan Bharat) అనే భారీ హెడ్‌లైన్ పెట్టారు.

రాహుల్ గాంధీ, అఖిలేష్ యాదవ్, ఎలాన్ మస్క్‌లతో పాటు ఈ పోస్టర్‌లో ఇంకా ఎవరెవరి ఫోటోలు పెట్టారంటే.. సుప్రీంకోర్టు ప్రముఖ లాయర్ ప్రశాంత్ భూషణ్, బంగ్లాదేశ్ ఆర్థికవేత్త మహమ్మద్ యూనస్, అమెరికా కాంగ్రెస్ సభ్యురాలు ఇల్హాన్ ఒమర్, ప్రముఖ బిలియనీర్ ఇన్వెస్టర్ జార్జ్ సోరోస్, సమాజ్‌వాదీ పార్టీ సీనియర్ నేత ఆజం ఖాన్, గ్యాంగ్‌స్టర్-రాజకీయ నేతలు అతీక్ అహ్మద్, ముఖ్తార్ అన్సారీ పేర్లు ఉన్నాయి.

మరణించిన వారి ఫోటోలు కూడా..

ఈ హోర్డింగ్స్‌లో ఇప్పటికే మరణించిన అతీక్ అహ్మద్, ముఖ్తార్ అన్సారీల ఫోటోలను కూడా చేర్చడం గమనార్హం. 2023 ఏప్రిల్‌లో ప్రయాగ్‌రాజ్‌లో పోలీస్ కస్టడీలో ఉండగానే అతీక్ అహ్మద్‌ను దుండగులు కాల్చి చంపారు. మరోవైపు, ముఖ్తార్ అన్సారీ 2024 మార్చిలో యూపీ జైలులో మరణించారు.

రంగంలోకి దిగిన ఎస్పీ కార్యకర్తలు

లక్నోలోని అత్యంత రద్దీగా ఉండే హజ్రత్‌గంజ్, గోమతీ నగర్ వంటి ప్రముఖ ఏరియాల్లో ఈ హోర్డింగ్స్ పెట్టడంతో అటుగా వెళ్లే ప్రయాణికులు, స్థానికులు ఆసక్తిగా గమనించారు. అయితే, తమ అధినేత అఖిలేష్ యాదవ్ ఫోటోను రావణుడితో పోల్చడంపై సమాజ్‌వాదీ పార్టీ కార్యకర్తలు తీవ్ర స్థాయిలో మండిపడ్డారు. ఆదివారం ఆయా ప్రాంతాలకు చేరుకుని ఆ హోర్డింగ్స్‌ను తొలగించారు.

Lucknow: 'Anti-India Ravana' posters by Sanatan Raksha Sangathan feature Atiq Ahmed, Akhilesh Yadav, Rahul Gandhi, Elon Musk, Ilhan Omar, Muhammad Yunus, George Soros, Prashant Bhushan, Mukhtar Ansari and Azam Khan. SP workers removed one Sunday. https://t.co/l9UUmo8HVX

— TOI Lucknow (@TOILucknow) October 18, 2026