Nature | నిగ నిగలాడే భామా.. నును లేత పసిడి కొమ్మా

Nature | త్రినేత్ర న్యూస్ : మిశ్రమ వర్ణాలతో మిలమిల మెరిసిపోతున్న ఓ అందమైన కీటకం.. తనకన్నా అందమైన నును లేత పసిడి వర్ణాలు కలిగిన పుష్ఫంపై సేదతీరుతూ.. ఆ పుప్పొడితో ఆకలి తీర్చుకుంటూ తన రోజును గడిపింది. ప్రకృతిలో నిరంత‌రం ఇలాంటివి లెక్కలేనన్ని అపురూప క్షణాలు గడిచిపోతూ ఉంటాయి. అవేవీ మన కంటికి కనబడవు. లేదా మనం చూడలేం. ఇటువంటి సన్నివేశాలను లెన్స్ లో బంధించి.. ప్రకృతి దృశ్యంగా మనం పదిలపరుచుకుంటాం. గ్రీన్ ఇండియా చాలెంజ్ ఫౌండర్, ప్రకృతి ప్రేమికుడు, మాజీ ఎంపీ సంతోష్ కుమార్ తన వీక్లీ డోస్‌లో భాగంగా ఈ అందమైన దృశ్యాన్ని ఎక్స్ లో ట్వీట్ చేశారు. ఇంతటి అనంతమైన, అందమైన ప్రకృతి ఒడిలో మనం జీవిస్తున్నామంటూ ఆయ‌న‌ అభిప్రాయపడ్డారు.