LPG Cylinder Price | వ‌రుస‌గా రెండో నెల‌.. త‌గ్గిన క‌మ‌ర్షియ‌ల్ గ్యాస్ సిలిండ‌ర్ ధ‌ర‌

LPG Cylinder Price | త్రినేత్ర‌.న్యూస్‌: అమెరికా-ఇరాన్ యుద్ధం పేరుతో గ్యాస్ సిలిండ‌ర్ ధ‌ర‌ల‌ను (LPG Cylinder Price) భారీగా పెంచిన కేంద్ర ప్ర‌భుత్వం తాజాగా వినియోగ‌దారుల‌కు స్వ‌ల్ప ఊర‌ట‌నిచ్చింది. వాణిజ్య అవ‌స‌రాల కోసం (Commercial LPG Cylinder) వినియ‌గించే 19 కిలోల గ్యాస్ సిలిండ‌ర్ ధ‌ర‌ను రూ.192 మేర త‌గ్గించింది. అయితే గృహావ‌స‌రాల‌కు (Domestic Gas Cylinder) వినియోగించే 14.2 కిలోల సిలిండ‌ర్ ధ‌ర‌లో ఎలాంటి మార్పూ లేదు. ఈ మేర‌కు దేశీయ చ‌మురు సంస్థ‌లు వెల్ల‌డించాయి.

తాజాగా స‌వ‌రించిన ధ‌ర‌ల‌తో ఢిల్లీలో (Delhi) రూ.202 త‌గ్గ‌డంతో రూ.2728కి చేరింది. ఇక కోల్‌క‌తాలో (Kolkata) రూ.209 మేర త‌గ్గ‌డంతో రూ.2,872.50గా ఉంది. ఇక హైద‌రాబాద్‌లో రూ.3,191గా ఉంది. సిలిండ‌ర్ ధ‌ర‌ రూ.176 మేర త‌గ్గింది. జూలై 1న కూడా కమర్షియల్ సిలిండర్ల ధరను చ‌మురు కంపెనీలు త‌గ్గించాయి. ఇది వరుసగా రెండో నెల. ఢిల్లీలో రెండు నెలల్లో కమర్షియల్ సిలిండర్ల ధర రూ. 375.50 మేర తగ్గింది. డొమెస్టిక్ సిలిండ‌ర్ ధ‌ర‌ల్లో ఎలాంటి మార్పు లేక‌పోవ‌డంతో హైద‌రాబాద్‌లో రూ.994గా ఉంది.