Mumbai Civic Polls | ముంబై మున్సిపల్ పోరు: మహాయుతి మేనిఫెస్టో విడుదల.. మహిళలు, యువతకు పెద్దపీట

Mumbai Civic Polls | మహారాష్ట్ర మున్సిపల్ కార్పొరేషన్ ఎన్నికలు తుది దశకు చేరుకున్న వేళ, అధికార మహాయుతి (Mahayuti) కూటమి (బీజేపీ, శివసేన-షిండే వర్గం, ఎన్సీపీ) ముంబై మున్సిపల్ ఎన్నికల నేపథ్యంలో ఆదివారం తన మేనిఫెస్టోను విడుదల చేసింది. ముఖ్యమంత్రి దేవేంద్ర ఫడ్నవీస్, ఉప ముఖ్యమంత్రి ఏక్నాథ్ షిండే మేనిఫెస్టోను రిలీజ్ చేశారు. మహిళా సాధికారత, యువతకు ఉపాధి, మౌలిక సదుపాయాల అభివృద్ధి, ముంబై భద్రతే లక్ష్యంగా ఈ మేనిఫెస్టోను రూపొందించారు. మహిళలకు భారీ తాయిలాలు మహిళా ఓటర్లను ఆకట్టుకునేందుకు మహాయుతి కూటమి కీలక హామీలను ప్రకటించింది. ముంబైలోని బస్సుల్లో మహిళలకు 50 శాతం టికెట్ రాయితీ కల్పిస్తామని హామీ ఇచ్చింది. అంతేకాకుండా, 'లడ్కీ బహిన్(Ladki Bahin)' పథకం కింద మహిళలకు 5 లక్షల రూపాయల వరకు వడ్డీ లేని రుణాలను అందజేస్తామని వెల్లడించింది. 'ముంబై డిజిటల్ సఖి(Mumbai Digital Sakhi)' ప్రోగ్రామ్ ద్వారా మహిళలకు కృత్రిమ మేధ (AI), కోడింగ్ వంటి ఆధునిక కోర్సుల్లో శిక్షణ ఇస్తామని పేర్కొంది. ఏఐ టెక్నాలజీతో అక్రమ చొరబాటుదారుల గుర్తింపు ఈ మేనిఫెస్టోలో అత్యంత చర్చనీయాంశమైన అంశం కృత్రిమ మేధ (AI) వినియోగం. ముంబైలో అక్రమంగా నివసిస్తున్న బంగ్లాదేశీయులను గుర్తించి, వారిని బహిష్కరించేందుకు ప్రత్యేక ఏఐ టూల్ను అభివృద్ధి చేస్తున్నట్లు సీఎం దేవేంద్ర ఫడ్నవీస్ తెలిపారు. "గత మూడు నెలలుగా ఈ టెక్నాలజీపై పనిచేస్తున్నాం, ఇప్పటికే 60 శాతం ఖచ్చితత్వాన్ని సాధించాం. త్వరలోనే అక్రమ చొరబాటుదారులను గుర్తించి వెనక్కి పంపిస్తాం," అని ఆయన స్పష్టం చేశారు. అలాగే ముంబై మున్సిపల్ సర్వీసుల్లో పారదర్శకత కోసం ఏఐని అనుసంధానిస్తామని చెప్పారు. ముడున్నరేళ్లలో ఏం చేశామో ఈ మేనిఫెస్టో చెబుతుంది గత మూడున్నరేళ్లలో ముంబైలో ఎలాంటి అభివృద్ధి చేశామో ఈ మేనిఫెస్టో చెబుతుందని డిప్యూటీ సీఎం ఏక్నాథ్ షిండే తెలిపారు. అభివృద్ధి పనులు ఇంకా వేగవంతం చేస్తాం. ముంబైని వదిలి వెళ్లిన మరాఠీలను తిరిగి ముంబైకి రప్పిస్తాం. స్లమ్ లేని నగరంగా ముంబైని తీర్చిదిద్దుతాం. అద్దె ఇండ్లలో ఉన్న పగ్డీ బిల్డింగ్స్ను అభివృద్ధి చేస్తాం. బీఎంసీలో అధికారం ఉండి కూడా ఇప్పటి వరకు కొందరు ఏం చేయలేకపోయారు.. అంటూ ఏక్నాథ్ షిండే చెప్పుకొచ్చారు.

Mumbai Civic Polls | ముంబై మున్సిపల్ పోరు: మహాయుతి మేనిఫెస్టో విడుదల.. మహిళలు, యువతకు పెద్దపీట

FOLLOW US

సంక్షిప్త సారాంశం

ట్యాగ్స్:

సంబంధిత వార్తలు

BJP-Congress Alliance | ముంబైలో ఒక్కటైన బీజేపీ-కాంగ్రెస్.. షిండే సేనను దెబ్బకొట్టేందుకేనా?

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Ponguleti Srinivas Reddy | ధరణి అక్రమార్కులపై మంత్రి పొంగులేటి ఆగ్రహం: 'ప్రభుత్వ సొమ్మును అణా పైసాతో సహా వసూలు చేస్తాం'

Virat Kohli | చ‌రిత్ర సృష్టించిన విరాట్ కోహ్లీ.. స‌చిన్ రికార్డును బ్రేక్ చేసిన ర‌న్ మెషిన్‌..

Cyberabad Police Weekend Drunk and Drive | మందుబాబులకు సైబరాబాద్ పోలీసులు షాక్: డ్రంక్ అండ్ డ్రైవ్‌లో 137 మంది అరెస్ట్.. 10 ఏళ్ల జైలు తప్పదు!

POPULAR LINKS

Iran Protests 2026 | అట్టుడుకుతున్న ఇరాన్: ఖమేనీ పాలనకు వ్యతిరేకంగా ప్రజా గర్జన.. 200 మంది మృతి, మసీదులకు నిప్పు