Justice Madan Lokur | ఓటర్ల జాబితా సవరణపై వెల్లువెత్తుతున్న ఫిర్యాదులు.. సమస్యలపై మాజీ జడ్జిల కమిషన్.. రేపే తొలి విచారణ

• గురువారం ఢిల్లీలో జస్టిస్ మదన్ లోకూర్ కమిషన్ తొలి పబ్లిక్ హియరింగ్

Justice Madan Lokur | త్రినేత్ర న్యూస్ : ఓటర్ల జాబితా స్పెషల్ ఇంటెన్సివ్ రివిజన్ (SIR) ప్రక్రియపై ఓటర్ల నుంచి వస్తున్న ఫిర్యాదులను విచారించేందుకు ఏర్పాటైన స్వతంత్ర కమిషన్ (Independent Commission) రంగంలోకి దిగింది. సుప్రీంకోర్టు మాజీ న్యాయమూర్తి జస్టిస్ మదన్ లోకూర్ నేతృత్వంలోని ఈ కమిషన్, అక్టోబర్ 15న (గురువారం) న్యూఢిల్లీలోని జవహర్ భవన్‌లో తన మొదటి బహిరంగ విచారణ (Public Hearing) నిర్వహించనుంది.

విచారణ ముఖ్య ఉద్దేశం ఇదే

'లాయర్స్ అసోసియేషన్ ఫర్ కాన్‌స్టిట్యూషన్' (LAFC) ప్రతిపాదనతో ఈ స్వతంత్ర కమిషన్ ఏర్పాటైంది. ప్రస్తుతం జరుగుతున్న ఓటర్ల జాబితా సవరణ (SIR) ప్రక్రియలో ఇబ్బందులు ఎదుర్కొని, కమిషన్‌ను ఆశ్రయించిన ఓటర్ల సమస్యలను వినడం, వారి వాంగ్మూలాలను (Testimonies) అధికారికంగా రికార్డ్ చేయడం ఈ హియరింగ్ ప్రధాన ఉద్దేశం.

దేశవ్యాప్తంగా నిర్వహించ తలపెట్టిన వరుస విచారణల్లో భాగంగా ఢిల్లీలో ఈ తొలి పబ్లిక్ హియరింగ్ జరుగుతోంది. బాధిత ఓటర్లు తమ ఆందోళనలను చెప్పుకోవడానికి ఒక వేదికను కల్పించడంతో పాటు, అర్హులైన ప్రతి పౌరుడి ఓటు హక్కును కాపాడటం, ప్రజాస్వామ్యంలో ప్రతి ఓటరు గొంతుకకు విలువ ఉంటుందనే ప్రాథమిక సూత్రాన్ని నిలబెట్టడం ఈ కార్యక్రమం లక్ష్యం.

కమిషన్‌లోని సభ్యులు వీరే

సుప్రీంకోర్టు మాజీ న్యాయమూర్తి జస్టిస్ మదన్ లోకూర్ ఛైర్మన్‌గా వ్యవహరిస్తున్న ఈ కమిషన్‌లో దేశంలోని ప్రముఖ మాజీ న్యాయమూర్తులు సభ్యులుగా ఉన్నారు.

• జస్టిస్ ఏకే పట్నాయక్ (సుప్రీంకోర్టు మాజీ న్యాయమూర్తి)
• జస్టిస్ బదర్ దుర్రేజ్ అహ్మద్ (జమ్ముకశ్మీర్ హైకోర్టు మాజీ ప్రధాన న్యాయమూర్తి)
• జస్టిస్ రేఖా శర్మ (ఢిల్లీ హైకోర్టు మాజీ న్యాయమూర్తి)
• జస్టిస్ అంజనా ప్రకాష్ (పాట్నా హైకోర్టు మాజీ న్యాయమూర్తి)

ఎన్నికల సంఘానికి (ECI) ఆహ్వానం

ఈ పబ్లిక్ హియరింగ్ ఏర్పాట్లలో భాగంగా కేంద్ర ఎన్నికల సంఘానికి (ECI) సమాచారం అందించి, వారిని విచారణకు ఆహ్వానించాలని కమిషన్ తన సెక్రటేరియట్‌ను ఆదేశించింది. ఈ ప్రొసీడింగ్స్‌కు హాజరయ్యేందుకు ఒక సీనియర్ అధికారిని నామినేట్ చేయాలని కోరుతూ ఎన్నికల సంఘానికి కమిషన్ నోటీసు జారీ చేసింది.

An independent commission headed by former Supreme Court judge Justice Madan Lokur will hold its first public hearing tomorrow, October 15, on voters' grievances over the Special Intensive Revision (SIR) of electoral rolls

The commission, proposed by the Lawyers' Association for Constitution (LAFC), will record voter testimonies at Jawahar Bhawan, New Delhi. It is the first of a series of hearings planned across the country

Other members are former Supreme Court judge Justice AK Patnaik, former J&K High Court Chief Justice Badar Durrez Ahmad, and former High Court judges Justice Rekha Sharma (Delhi) and Justice Anjana Prakash (Patna).
The commission has issued a notice to the Election Commission of India inviting it to nominate a senior officer to attend the proceedings.
#SIR #ElectionCommission #SIR @lafcindia

— Bar and Bench (@barandbench) October 14, 2026