DK Shivakumar Warning IT Firms | కన్నడ వారికి ఉద్యోగాల్లో మొండిచెయ్యి చూపిస్తే ఊరుకోం

• సోషల్ మీడియాలో వైరల్ వీడియోలు
• స్థానికుల హక్కులకు పెద్దపీట
• ఎక్స్ వేదికగా పోస్ట్ 
• ఐటీ కంపెనీలను హెచ్చరించిన డీకే శివకుమార్

DK Shivakumar Warning IT Firms | త్రినేత్ర న్యూస్ : బెంగళూరులోని ఐటీ కంపెనీలు, ప్రైవేట్ సంస్థలు ఉద్యోగ నియామకాల్లో స్థానిక కన్నడవారిని ఉద్దేశపూర్వకంగా పక్కన పెడితే కఠిన చర్యలు తప్పవని కర్ణాటక ముఖ్యమంత్రి డీకే శివకుమార్ ఆదివారం గట్టిగా హెచ్చరించారు. స్థానికుల హక్కులు, ఆత్మగౌరవం, ఉద్యోగ అవకాశాలను ఎట్టి పరిస్థితుల్లోనూ విస్మరించబోమని ఆయన స్పష్టం చేశారు.

సోషల్ మీడియాలో ఫిర్యాదులపై సర్కార్ సీరియస్

బెంగళూరులోని టెక్ కంపెనీల్లో కన్నడ మాట్లాడే స్థానికులకు ఉద్యోగ అవకాశాలు నిరాకరిస్తున్నారంటూ సోషల్ మీడియాలో పెద్దఎత్తున వీడియోలు వైరల్ అవుతున్న నేపథ్యంలో ప్రభుత్వం ఈ నిర్ణయం తీసుకుంది.

ఇటీవల వైరల్ అయిన ఒక వీడియోలో.. బెంగళూరుకు చెందిన కొన్ని కంపెనీలు తమ రెజ్యూమ్‌లో 'కన్నడ' అని పేర్కొన్న అభ్యర్థులను రిజెక్ట్ చేస్తున్నాయని, క్యాంపస్ ఇంటర్వ్యూల సమయంలో ఇతర రాష్ట్రాల నుంచి తక్కువ జీతాలకే అభ్యర్థులను ఎంపిక చేసుకుంటున్నారని ఒక మహిళ ఆరోపించారు. దీనివల్ల స్థానికులకు తగిన ఉద్యోగ అవకాశాలు రావడం లేదని వాపోతూ డీకే శివకుమార్ జోక్యం చేసుకోవాలని ఆమె విజ్ఞప్తి చేశారు.

కన్నడవారే సర్వస్వం: డీకే శివకుమార్

ఈ అంశంపై ఎక్స్ (X) వేదికగా స్పందించిన డీకే శివకుమార్.. స్థానిక అభ్యర్థుల ఆవేదనను ప్రభుత్వం సీరియస్‌గా పరిగణించిందని తెలిపారు.

"కర్ణాటకలో కన్నడవారే సర్వస్వం. ఏ కారణం చేతనైనా కన్నడవారి హక్కులు, ఆత్మగౌరవం, అవకాశాలు దెబ్బతినడాన్ని ప్రభుత్వం అనుమతించదు. ప్రపంచం బెంగళూరును భారతదేశపు టెక్నాలజీ క్యాపిటల్‌గా చూస్తోంది. ఇక్కడి కన్నడవారి ప్రతిభ, నైపుణ్యాలు, సామర్థ్యాలపై రాష్ట్రం ఎంతో గర్విస్తోంది" అని ఆయన పేర్కొన్నారు.

ప్రైవేట్ సంస్థలకు హెచ్చరిక

ఏదైనా ప్రైవేట్ సంస్థ లేదా ఐటీ కంపెనీ ఉద్దేశపూర్వకంగా కన్నడవారిని పక్కన పెట్టినట్లు తేలితే, ప్రభుత్వం తరఫున తగిన కఠిన చర్యలు ఉంటాయని ఆయన స్పష్టం చేశారు. కన్నడవారి ప్రయోజనాల పరిరక్షణలో ప్రభుత్వమే అండగా నిలుస్తుందని, వారి ఆందోళనలకు ఎప్పుడూ స్పందిస్తామని డీకే శివకుమార్ భరోసానిచ్చారు.

ಬೆಂಗಳೂರಿನ ಐಟಿ ಕಂಪನಿಗಳಲ್ಲಿ ಕನ್ನಡಿಗರಿಗೆ ಉದ್ಯೋಗಾವಕಾಶಗಳಲ್ಲಿ ಅನ್ಯಾಯವಾಗುತ್ತಿದೆ ಎಂಬ ದೂರುಗಳು ಕೇಳಿಬರುತ್ತಿರುವುದು ವಿಷಾದನೀಯ. ಕನ್ನಡ ಮಾತೃಭಾಷೆ ಇರುವವರನ್ನು ಕಡೆಗಣಿಸಲಾಗುತ್ತಿದೆ ಎಂಬ ವಿಷಯವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ.

ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ. ಕನ್ನಡಿಗರ ಹಕ್ಕು, ಗೌರವ ಮತ್ತು ಅವಕಾಶಗಳನ್ನು ಯಾವುದೇ ಕಾರಣಕ್ಕೂ ಕಡೆಗಣಿಸಲು ಸರ್ಕಾರ ಅವಕಾಶ ನೀಡುವುದಿಲ್ಲ. ಜಗತ್ತು ಬೆಂಗಳೂರನ್ನು ಭಾರತದ ತಂತ್ರಜ್ಞಾನ ರಾಜಧಾನಿಯಾಗಿ ನೋಡುತ್ತಿದ್ದು, ನಮ್ಮ ಕನ್ನಡಿಗರ ಪ್ರತಿಭೆ, ಕೌಶಲ್ಯ ಮತ್ತು ಸಾಮರ್ಥ್ಯದ ಬಗ್ಗೆ ನಮಗೆ ಅಪಾರ ಹೆಮ್ಮೆಯಿದೆ.

ಕನ್ನಡಿಗರನ್ನು ಯಾವುದೇ ಖಾಸಗಿ ಸಂಸ್ಥೆ ಉದ್ದೇಶಪೂರ್ವಕವಾಗಿ ಕಡೆಗಣಿಸಿರುವುದು ಕಂಡುಬಂದರೆ, ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳಲಿದೆ. ಕನ್ನಡಿಗರ ಹಿತಾಸಕ್ತಿಗೆ ಧ್ವನಿಯಾಗಿ, ಅವರ ಸಮಸ್ಯೆಗಳಿಗೆ ಸ್ಪಂದಿಸಲು ಸರ್ಕಾರ ಸದಾ ಬದ್ಧವಾಗಿದೆ.

— DK Shivakumar (@DKShivakumar) October 25, 2026