CJ Roy Car Collection | కార్లంటే పిచ్చి.. 12 రోల్స్ రాయిస్ కార్లు.. కళ్లు చెదిరే బుగాట్టి! ఆశ్చర్యాన్ని కలిగిస్తున్న సీజే రాయ్ కార్ల కలెక్షన్

CJ Roy Car Collection | బెంగళూరుకు చెందిన ప్రముఖ వ్యాపారవేత్త, కాన్ఫిడెంట్ గ్రూప్ (Confident Group) అధినేత సీజే రాయ్ (CJ Roy) ఆత్మహత్య వార్త అందరినీ దిగ్భ్రాంతికి గురిచేసింది. ఆయన మరణం ఎంతటి విషాదాన్ని మిగిల్చిందో, ఆయన జీవనశైలి, ముఖ్యంగా ఆయన కార్ల కలెక్షన్ (Car Collection) అంత ఆశ్చర్యాన్ని కలిగిస్తుంది. కార్లంటే రాయ్‌కి వల్లమాలిన అభిమానం. ఆయన గ్యారేజీలో ఉన్న కార్ల విలువ కొన్ని వందల కోట్లు ఉంటుందని అంచనా.

 

View this post on Instagram

 

A post shared by Dr Roy Chiriankandath Joseph (@dr.roy.cj)

అత్యంత అరుదైన 'బుగాట్టి వెయ్రాన్' (Bugatti Veyron)

రాయ్ కలెక్షన్‌లో ప్రధాన ఆకర్షణ బుగాట్టి వెయ్రాన్. ఇది ప్రపంచంలోనే రోడ్లపై నడిపే అత్యంత వేగవంతమైన కార్లలో (Fastest Street-Legal Car) ఒకటి. ఇది సాధారణ కారు కాదు. 'బిగ్ బాయ్ టాయ్స్' (Big Boy Toyz) కస్టమైజ్ చేసిన బ్లూ, వైట్ కలర్ కాంబినేషన్ కారు ఇది. ఇది రేస్ ట్రాక్‌లపై కాకుండా, సాధారణ రోడ్లపై కూడా అత్యంత వేగంతో దూసుకెళ్లగలదు. గతంలో ఆయన తన భార్యతో కలిసి ఈ బ్లూ బుగాట్టిలో తన ఇంటి నుండి బయటకు వెళ్తున్న వీడియో ఒకటి సోషల్ మీడియాలో బాగా వైరల్ అయ్యింది. అలాగే, రాయ్ దగ్గర ఏకంగా 12 రోల్స్ రాయిస్ కార్లు ఉండటం విశేషం.

 

View this post on Instagram

 

A post shared by Big Boy Toyz (@bigboytoyz_india)

మొదటి కారు

రాయ్ తన మొదటి రోల్స్ రాయిస్ కారును 2008లో కొనుగోలు చేశారు. నవంబర్ 2025లో.. ఆయన దాదాపు రూ.12 కోట్లు విలువ చేసే సరికొత్త Rolls-Royce Phantom VIII కారును కొనుగోలు చేశారు. ఇదే ఆయన గ్యారేజీలో చేరిన 12వ రోల్స్ రాయిస్ కారు. దీన్ని ఆయన "బెస్ట్ సెడాన్"గా అభివర్ణించారు. రాయ్ కార్లన్నీ దాదాపుగా తెలుపు రంగులో (White Color) ఉండటం ఒక విశేషం.

 

View this post on Instagram

 

A post shared by Dr Roy Chiriankandath Joseph (@dr.roy.cj)

ఆయన గ్యారేజీలో మరికొన్ని టాప్ మోడల్స్ ఇవే

లంబోర్గిని (Lamborghini): ఆయన వద్ద నలుపు-నీలం (Black-and-Blue) కాంబినేషన్‌తో పాటు, తెలుపు-బూడిద (White-and-Grey) రంగులో మరో లాంబోర్గిని గల్లార్డో (Gallardo) కూడా ఉంది.

బెంట్లీ (Bentley): నీలం, తెలుపు రంగులో ఉన్న బెంట్లీ కారు కూడా ఆయన కలెక్షన్‌లో ఉంది.

ఫెరారీ (Ferrari): జూలై 2025లో, ఆయన ఒక బ్లూ ఫెరారీ కారుతో దిగిన ఫోటోను షేర్ చేస్తూ.. "డబ్బుతో అన్నీ కొనొచ్చు కానీ, సింప్లిసిటీని కొనలేం. హవాయి చెప్పులు వేసుకుని కూడా ఫెరారీని నడపవచ్చు" అని క్యాప్షన్ ఇచ్చారు.

 

View this post on Instagram

 

A post shared by Dr Roy Chiriankandath Joseph (@dr.roy.cj)

25 ఏళ్ల వయసులోనే మొదలైన క్రేజ్

రాయ్ తన 25వ ఏట నుంచే కార్ల పట్ల ఆసక్తి పెంచుకున్నారు. 2005లో ఆయన తన మొదటి వాహనంగా ఒక వైట్ స్ట్రెచ్ లిమోసిన్ (White Stretch Limousine)ను కొనుగోలు చేశారు. ఆశ్చర్యకరంగా, ఆ కారు ఇప్పటికీ ఆయన వద్దే ఉంది.

 

View this post on Instagram

 

A post shared by Shamsudheen Karimbanakkal (@shamsudheen_nellara)

దుబాయ్‌లోని తన కార్ల కలెక్షన్‌ను చూపిస్తూ ఆయన చేసిన వీడియోలు కూడా గతంలో నెట్టింట వైరల్ అయ్యాయి. కార్లంటే కేవలం వాహనాలు మాత్రమే కాదు, అవి ఆయన ప్యాషన్ (Passion) అని చెప్పడానికి ఈ అద్భుతమైన కలెక్షనే నిదర్శనం.

 

View this post on Instagram

 

A post shared by Dr Roy Chiriankandath Joseph (@dr.roy.cj)