Bank Employee | నేను ఠాకూర్ కులానికి చెందిన దాన్ని.. నాతో పెట్టుకోకు.. క‌స్ట‌మ‌ర్‌ను దూషించిన బ్యాంకు ఉద్యోగిని

Bank Employee | క‌స్ట‌మ‌ర్ల‌ను బ్యాంకులు దేవుళ్లుగా భావిస్తాయి. ఎందుకంటే క‌స్ట‌మ‌ర్లు ఉంటేనే బ్యాంకుల‌కు లాభాలు. అందుకే క‌స్ట‌మ‌ర్ల ప‌ట్ల ఎంతో ప‌ర్యాద‌పూర్వకంగా వ్య‌వ‌హరిస్తాయి బ్యాంకులు. కానీ కొంద‌రు బ్యాంకు ఉద్యోగుల (Bank Employees) ప్ర‌వ‌ర్త‌న మాత్రం అందుకు విరుద్ధంగా ఉంది. తాజాగా ఓ ప్రైవేటు బ్యాంకు ఉద్యోగిని క‌స్ట‌మ‌ర్‌ప‌ట్ల ప్ర‌వ‌ర్తించిన తీరు చ‌ర్చ‌కు దారి తీస్తోంది.

ఉత్త‌ర ప్ర‌దేశ్‌ (Uttar Pradesh)లోని కాన్పూర్‌ (Kanpur)లో గ‌ల హెచ్‌డీఎఫ్‌సీ బ్యాంకు (HDFC Bank)లో ఓ మ‌హిళా ఉద్యోగి వీరంగం సృష్టించింది. క‌స్ట‌మ‌ర్ ప‌ట్ల అనుచితంగా ప్ర‌వ‌ర్తించింది. దుర్బాష‌లాడుతూ.. అమ‌ర్యాద‌క‌ర ప‌ద‌జాలంతో దూషించింది. నేను ఠాకూర్ కులానికి చెందిన దాన్ని.. నాతో పెట్టుకోవ‌ద్దు అంటూ హెచ్చ‌రించింది. అంత‌టితో ఆగ‌ని ఆమె త‌న ల్యాప్‌టాప్‌తో క‌స్ట‌మ‌ర్‌పై దాడి చేసేందుకు ప్ర‌య‌త్నించింది. బ్యాంకులో ఉద్యోగులు, క‌స్ట‌మ‌ర్లు ఉన్న స‌మ‌యంలోనే ఇదంతా జ‌రిగింది. అక్క‌డే ఉన్న కొంద‌రు ఈ త‌తంగాన్నంతా వీడియో తీసి సోష‌ల్ మీడియాలో పోస్టు చేయ‌డంతో అదికాస్తా వైర‌ల్‌గా మారింది.

దీనిపై నెటిజ‌న్లు ఆగ్ర‌హం వ్య‌క్తం చేస్తున్నారు. ఇలాంటి ఉద్యోగుల వ‌ల్ల బ్యాంకు ప్ర‌తిష్ట దెబ్బ‌తింటుందంటూ కామెంట్లు పెడుతున్నారు. క‌స్ట‌మ‌ర్‌ ప‌ట్ల అమ‌ర్యాద‌క‌రంగా ప్ర‌వ‌ర్తించిన ఆ ఉద్యోగినిపై క్రమశిక్షణా చ‌ర్య‌లు తీసుకోవాల‌ని డిమాండ్ చేస్తున్నారు. మ‌రోవైపు, ఈ ఘ‌ట‌న‌పై హెచ్‌డీఎఫ్‌సీ బ్యాంకు ఇప్ప‌టివ‌ర‌కూ స్పందించ‌లేదు.

https://x.com/SurajKrBauddh/status/2020543815871082997