Ragging | బెల్టుల‌తో కొట్టి హింసించారు.. ప్ర‌భుత్వ‌ మెడిక‌ల్ కాలేజీలో జూనియ‌ర్‌పై సీనియ‌ర్స్ ర్యాగింగ్‌

త్రినేత్ర‌.న్యూస్‌: ఉత్త‌రాఖండ్‌లోని డెహ్రాడూన్‌లో ఉన్న డూన్ (Dehradun) ప్ర‌భుత్వ మెడిక‌ల్ కాలేజీలో (Government Medical College) ర్యాగింగ్ (Ragging) క‌ల‌క‌లం సృష్టించింది. ఈ నెల 12న కాలేజీలో జూనియ‌ర్ విద్యార్థిని సీనియ‌ర్లు బెల్టుల‌తో కొట్టి (physical assault) హింసించిన ఘ‌ట‌న ఆల‌స్యంగా వెలుగులోకి వ‌చ్చింది.

ఈ నెల 13న సీనియ‌ర్లు త‌న‌ను కొట్టార‌ని, ర్యాగింగ్ చేశారంటూ ఎంబీబీఎస్ మొద‌టి సంవ‌త్స‌రం చ‌దువుతున్న విద్యార్థి (MBBS Student) ఫిర్యాదు చేశాడు. 2023-24 బ్యాచ్‌కు చెందిన విద్యార్థులు త‌న‌ను వేధించారంటూ అందులో పేర్కొన్నాడు. ముందు రోజు (జ‌న‌వ‌రి 12) ఈ ఘ‌ట‌న జ‌రింద‌ని తెలిపాడు. ఇలా ఫిర్యాదు చేసినందుకు త‌న‌పై ప్రతీకారం తీర్చుకుంటారేమోనని భయపడుతున్నాని చెప్పాడు. ఈ సంఘటన త‌నను మాన‌సికంగా, శారీర‌కంగా తీవ్రంగా కలచివేసిందని వెల్ల‌డించారు.

ఈ ఘ‌ట‌న‌పై కాలేజీ ప్రిన్సిప‌ల్ డాక్ట‌ర్ గీతా జైన్ స్పందిస్తూ బాధ్యుల‌పై క‌ఠిన చ‌ర్య‌లు తీసుకుంటామ‌ని స్ప‌ష్టం చేశారు. ఇప్ప‌టికే కాలేజీ క్ర‌మ‌శిక్ష‌ణా క‌మిటీ నిందితుల నుంచి స్టేట్‌మెంట్ రికార్డు చేసుకుంద‌ని వెల్ల‌డించారు. ర్యాగింగ్ జ‌రిగింది నిజ‌మేన‌ని తేలితే వారిని ఎట్టిప‌రిస్థితిలో వ‌దిలే ప్ర‌స‌క్తే లేద‌న్నారు. కాగా, బాధ్యులుగా తేలిన విద్యార్థుల‌ను కాలేజీ నుంచి బ‌హిష్క‌రిస్తామ‌ని కాలేజీ యాజ‌మాన్యం వెల్ల‌డించింది.

Dehradun | An incident of ragging and assault by senior students on junior students has come to light at Government Doon Medical College (Patel Nagar, Dehradun). Juniors were allegedly beaten with belts.

Medical College Principal Dr Geeta Jain says that the Anti-Ragging…

— ANI (@ANI) January 18, 2026