Dayanidhi Maran on Congress | రేవంత్ రెడ్డికి ఒక న్యాయం.. తమిళనాడుకు మరో న్యాయమా?

• డీలిమిటేషన్‌పై కాంగ్రెస్ డబుల్ గేమ్
• తమిళనాడులో వ్యతిరేకిస్తూ.. తెలంగాణలో ఎందుకు మద్దతు
• తమిళనాడులో నిరసనలు తెలిపే నైతిక హక్కు లేదు
• కాంగ్రెస్ ద్వంద్వ వైఖరిని ఎండగట్టిన డీఎంకే ఎంపీ దయానిధి మారన్

Dayanidhi Maran on Congress | త్రినేత్ర.న్యూస్ : నియోజకవర్గాల పునర్విభజన అంశంపై జాతీయ స్థాయిలో రాజకీయ దుమారం రేగుతోంది. ఈ ప్రక్రియపై కాంగ్రెస్ పార్టీ అనుసరిస్తున్న ద్వంద్వ వైఖరిని డీఎంకే సీనియర్ నేత, ఎంపీ దయానిధి మారన్ తీవ్రంగా ఖండించారు. తమిళనాడులో డీలిమిటేషన్‌ను వ్యతిరేకిస్తూ ఎంపీలతో మీటింగ్‌లు పెడుతున్న కాంగ్రెస్.. తెలంగాణలో తమ సొంత ముఖ్యమంత్రి రేవంత్ రెడ్డి బహిరంగంగా దీనికి మద్దతు తెలుపుతున్నా ఎందుకు సైలెంట్‌గా ఉందని ఆయన సూటిగా ప్రశ్నించారు.

తమిళనాడులో ఒకలా.. తెలంగాణలో మరోలా

ఒకవైపు తమిళనాడులో ఎంపీలతో ప్రత్యేక సమావేశాలు నిర్వహిస్తూ డీలిమిటేషన్‌కు వ్యతిరేకంగా కాంగ్రెస్ పార్టీ పెద్ద పొలిటికల్ హైడ్రామా క్రియేట్ చేస్తోందని దయానిధి మారన్ మండిపడ్డారు. "నిజంగా కాంగ్రెస్ స్టాండ్ అదే అయితే, ఆ పార్టీ అధికారంలో ఉన్న మిగతా నాలుగు రాష్ట్రాల్లో ఇలాంటి ఎంపీల సమావేశాలు ఎందుకు నిర్వహించలేదు?" అని ఆయన నిలదీశారు. కేంద్ర ప్రభుత్వం తీసుకురాబోయే ఈ మార్పులపై కాంగ్రెస్ వైఖరి ఏంటో దేశ ప్రజలకు స్పష్టంగా చెప్పాలని డిమాండ్ చేశారు.

రేవంత్ రెడ్డిని ఎందుకు ప్రశ్నించరు?

తెలంగాణలో పరిస్థితులు ఇందుకు పూర్తి భిన్నంగా ఉన్నాయని మారన్ గుర్తుచేశారు. డీలిమిటేషన్ వల్ల తెలంగాణలో అసెంబ్లీ, లోక్‌సభ స్థానాలు భారీగా పెరుగుతాయని, రాష్ట్రానికి మేలు జరుగుతుందని సీఎం రేవంత్ రెడ్డి బహిరంగంగానే ప్రకటించారు. "మరి బీజేపీ సర్కార్ చేస్తున్న ఈ డీలిమిటేషన్ ప్రక్రియకు రేవంత్ రెడ్డి ఎలా మద్దతు ఇస్తారు? ఆయన వ్యాఖ్యలను కాంగ్రెస్ అధిష్టానం ఎందుకు తప్పుబట్టడం లేదు? ఆయన్ని ఎందుకు ప్రశ్నించడం లేదు?" అని మారన్ ఫైర్ అయ్యారు.

అదంతా 'చిల్లర రాజకీయమే'

డీలిమిటేషన్ ప్రక్రియపై జాతీయ స్థాయిలో ఒక స్పష్టమైన, స్థిరమైన విధానం లేని కాంగ్రెస్ పార్టీకి.. తమిళనాడు ప్రజలకు నీతులు చెప్పే నైతిక హక్కు ఏమాత్రం లేదని దయానిధి మారన్ తేల్చి చెప్పారు. కాంగ్రెస్ చేస్తున్నది కేవలం చిల్లర రాజకీయాలు అని అభివర్ణించారు. ఆ పార్టీ ఆడుతున్న ఈ పొలిటికల్ డ్రామాలను తమిళనాడు ప్రజలు ఎట్టిపరిస్థితుల్లోనూ నమ్మరని స్పష్టం చేశారు.

#Delimitation: தமிழ்நாட்டில் மட்டும் #NoDelimitation நாடகம் ஏன்? தங்கள் Proxy அரசை வைத்து எம்.பி.க்கள் கூட்டம் நடத்தும் காங்கிரஸ், தான் ஆளும் நான்கு மாநிலங்களில் ஏன் அமைதியாக இருக்கிறது? தொகுதி மறுவரையறையை ஆதரித்த திரு. ரேவந்த் ரெட்டி அவர்களைக் கேள்வி கேட்கத் துணியுமா?

த.வெ.க.…

— Dayanidhi Maran தயாநிதி மாறன் (@Dayanidhi_Maran) August 10, 2026