Parvesh Verma Slap Video | రోడ్డు నాణ్యతపై నిలదీసినందుకు రెచ్చిపోయిన మంత్రి: లైవ్ తీస్తున్న వ్యక్తిని లాగిపెట్టి కొట్టిన పర్వేశ్ వర్మ.. వీడియో వైరల్

Parvesh Verma Slap Video | త్రినేత్ర న్యూస్ : పశ్చిమ ఢిల్లీలోని తిలక్ నగర్‌లో నడిరోడ్డుపై అనూహ్య ఘటన చోటుచేసుకుంది. రోడ్డు నిర్మాణ పనుల తనిఖీ కోసం వచ్చిన ఢిల్లీ పీడబ్ల్యూడీ (PWD) మంత్రి పర్వేశ్ వర్మ సహనం కోల్పోయి, వీడియో తీస్తున్న ఓ వ్యక్తిపై నలుగురి ముందే చేయి చేసుకున్నారు. ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ కావడంతో ఢిల్లీ రాజకీయాల్లో తీవ్ర దుమారం రేగుతోంది.

చేత్తోనే రోడ్డు పెకిలించిన ఆప్ ఎమ్మెల్యే

తిలక్ నగర్ పరిధిలో నిర్మిస్తున్న రోడ్డు నాణ్యతను పరిశీలించేందుకు మంత్రి పర్వేశ్ వర్మ అక్కడికి చేరుకున్నారు. ఆ సమయంలో స్థానిక ఆప్ (AAP) ఎమ్మెల్యే జర్నైల్ సింగ్ అక్కడికి వచ్చి నిర్మాణంలో నాణ్యతా లోపాలను బహిర్గతం చేశారు. అప్పుడే వేసిన రోడ్డును చేత్తో తాకగానే పెళుసుగా లేచి రావడాన్ని మంత్రికి స్వయంగా చూపించారు.

"ఇదిగోండి మంత్రి గారూ.. మీ బీజేపీ ప్రభుత్వంలో పనుల నాణ్యత ఇలా ఉంది. ఈ రోడ్డు కనీసం 15 గంటలు కూడా నిలబడదు. గత 15 ఏళ్లలో రోడ్లే వేయలేదంటూ ఇప్పుడు ఇలాంటి అధ్వానమైన పనులు చేస్తారా?" అంటూ జర్నైల్ సింగ్ గట్టిగా నిలదీశారు.

ఆగ్రహంతో చెంపదెబ్బ కొట్టిన మంత్రి

ఎమ్మెల్యే ప్రశ్నలకు సమాధానం చెప్పలేక మంత్రి పర్వేశ్ వర్మ అక్కడి నుంచి వెనుదిరిగే ప్రయత్నం చేశారు. అయితే ఎమ్మెల్యే చేతిలో పెకిలించిన రోడ్డు ముక్కలను పట్టుకుని మంత్రి వెంటే నడుస్తూ మరింత నిలదీశారు. ఆ సమయంలో ఎమ్మెల్యే పర్సనల్ అసిస్టెంట్ (PA) సాహిబ్ సింగ్ ఈ మొత్తం వ్యవహారాన్ని సోషల్ మీడియాలో లైవ్ స్ట్రీమింగ్ చేస్తున్నారు.

यह भारत की राजधानी दिल्ली की भाजपा सरकार के pwd मिनिस्टर हैं
सड़क का निरीक्षण करने आए थे पर घोटाले ही घोटाले उजागर होते देखकर आपा खो बैठे और वीडियो रिकॉर्ड करने वाले मेरे साथी को के साथ गुंडागर्दी कर बैठे..
@ArvindKejriwal @narendramodi @AamAadmiParty @gupta_rekha @p_sahibsingh @LtGovDelhi

— Jarnail Singh (@JarnailSinghAAP) September 27, 2026

ఇది చూసి తీవ్ర ఆగ్రహానికి గురైన మంత్రి పర్వేశ్ వర్మ.. ఒక్కసారిగా ఎడమచేత్తో ఫోన్‌ను లాక్కొని, కుడిచేత్తో సాహిబ్ సింగ్ చెంపపై బలంగా కొట్టారు. అక్కడే ఉన్న సెక్యూరిటీ సిబ్బంది వెంటనే ఇరువైపులా ఉన్నవారిని అడ్డుకోవడంతో పెను ఘర్షణ తప్పింది. "నడిరోడ్డుపై సామాన్యుడిపై చేయి చేసుకుంటారా?" అంటూ స్థానికులు అక్కడే నిలదీయడం వీడియోలో స్పష్టంగా వినిపిస్తోంది.

మంత్రిని అరెస్ట్ చేయాలన్న కేజ్రీవాల్.. పోలీసులకు బాధితుడి ఫిర్యాదు

ఈ వీడియోను ఆప్ ఎమ్మెల్యే జర్నైల్ సింగ్ ఎక్స్‌లో షేర్ చేస్తూ.. "రోడ్డు పనుల్లో అవినీతి బయటపడటంతో మంత్రి తన గూండాయిజాన్ని చూపించారు" అని విమర్శించారు. మాజీ ముఖ్యమంత్రి అరవింద్ కేజ్రీవాల్ సైతం ఈ వీడియోను రీట్వీట్ చేస్తూ, ప్రజలపై దౌర్జన్యానికి దిగిన మంత్రిని వెంటనే అరెస్ట్ చేయాలని డిమాండ్ చేశారు.

ఈ దాడిపై బాధితుడు సాహిబ్ సింగ్ పోలీసులకు ఫిర్యాదు చేశారు. "నేను ఎమ్మెల్యే సోషల్ మీడియా పేజీలో కేవలం లైవ్ మాత్రమే ఇస్తున్నాను. లైవ్ ఆపడానికే మంత్రి నా ఫోన్ లాక్కుని చెంపదెబ్బ కొట్టారు. ఆయన గన్‌మెన్లు కూడా నన్ను నెట్టివేసి బెదిరించారు. అధికారంలో ఉన్నంత మాత్రాన ఎవరిపైనైనా దాడి చేసే హక్కు ఉంటుందా? ఆయనపై చట్టపరమైన కఠిన చర్యలు తీసుకోవాలి" అని సాహిబ్ సింగ్ స్పష్టం చేశారు.

सड़क निर्माण में भ्रष्टाचार दिखाने पर मोदी जी के मंत्री ने एक युवक को सरे आम थप्पड़ मारा।

मैं कल तिलक नगर जाकर इस सड़क का मुआयना करूंगा। pic.twitter.com/MnKbQ5L0CP

— Arvind Kejriwal (@ArvindKejriwal) September 27, 2026