Theenmar Mallanna | ఏం పెద్దాయ‌న‌.. ఎవుసం ఎట్లుందే?

• మీ బాధ‌లు విందామ‌ని వ‌చ్చిన
• ద‌క్కి దున్నుతూ.. రైతుల‌తో ముచ్చటిస్తూ తీన్మార్‌ మ‌ల్ల‌న్న సంద‌డి
• బీసీ రాజ్యాధికార యాత్ర‌లో భాగంగా కొడంగ‌ల్‌లో ప‌ర్య‌ట‌న‌

Theenmar Mallanna | త్రినేత్ర న్యూస్: బీసీ రాజ్యాధికార యాత్ర‌లో భాగంగా టీఆర్పీ అధినేత తీన్మార్ మ‌ల్ల‌న్న ఆదివారం కొడంగ‌ల్‌లో ప్రాంతంలో ప‌ర్య‌టించారు. ఈ సంద‌ర్భంగా శెల‌క‌ల్లోకి వెళ్లి రైతుల‌తో ముచ్చ‌టించారు. వారి బాగోలు అడిగి పంట‌ల సాగుపై వివ‌రాలు అడిగి తెలుసుకున్నారు. అనంత‌రం ఎడ్లతో గొర్రు తోలుతూ, ట్రాక్ట‌ర్‌తో స్వ‌యంగా దుక్కి దున్నుతూ కాసేపు సంద‌డిగా గ‌డిపారు.

ప్ర‌భుత్వం ఏమిస్తుంది?

ఓ పెద్దాయన‌.. ఎవుసం ఎట్లుందే, ఎట్ల‌ సాగుతుంది? ఏమేం పంటలు ఏస్తున్న‌రు? ప్రభుత్వం నుంచి ఎట్లాంటి సహకారం అందుతుంది? పంట పెట్టుబడి ఎంతైతుంది? సాగుకు సరిపడా నీరు అందుబాటులో ఉన్న‌దా? త‌దిత‌ర విష‌యాల‌పై రైతుల‌ను అడిగి తెలుసుకున్నరు. ఎవుసంలో ఎదురైతున్న ఇబ్బందులు, పంటల సాగు ముచ్చ‌ట్లు, రైతుల అవసరాలపై ఆరా తీశారు. ఇన్నాళ్లు రెడ్లు, వెల‌మ‌ల పాల‌న చూసిన‌మ‌ని ఇక ముందు వ‌చ్చే ఎన్నిక‌ల్లో బీసీ రాజ్యం తెచ్చుకోవాల‌ని రైతులకు సూచించారు. టీఆర్పీ అభ్య‌ర్థుల‌కు ఓట్లు వేసి గెలిపించాల‌ని కోరారు.