CPCB Recruitment | పొల్యూష‌న్ కంట్రోల్ బోర్డులో ఉద్యోగాలు.. రాత‌ప‌రీక్ష లేకుండా ఎంపిక‌

CPCB Recruitment | త్రినేత్ర‌.న్యూస్‌: ఢిల్లీలోని ఎన్విరాన్మెంట్‌ ఫారెస్ట్‌ అండ్‌ క్లైమేట్‌ చేంజ్‌ మంత్రిత్వ శాఖ పరిధిలోని సెంట్రల్‌ పొల్యూషన్‌ కంట్రోల్‌ బోర్డు (CPCB) వివిధ విభాగాల్లో ఖాళీగా ఉన్న ఉద్యోగాలను భర్తీ చేస్తున్న‌ది. మొత్తం 51 పోస్టుల‌తో నోటిఫికేషన్ (CPCB Recruitment) విడుదల చేసింది. అర్హులైన‌ అభ్య‌ర్థులు సెప్టెంబర్ 7 వరకు www.cpcb.gov.in వెబ్‌సైట్‌లో ద‌ర‌ఖాస్తు చేసుకోవచ్చు. ఎలాంటి ఫీజు, రాత‌ప‌రీక్ష లేకుండా అభ్య‌ర్థుల‌ను ఎంపిక చేస్తున్న‌ది. అయితే ఈ ఉద్యోగ‌ల‌ను ఒప్పంద ప్రాతిపదికన భర్తీ చేస్తున్న‌ది. ఇందులో సైంటిస్ట్‌, అసిస్టెంట్‌ మేనేజర్‌, డేటా ఎంట్రీ ఆపరేటర్‌, ఫీల్డ్‌ అసిస్టెంట్ వంటి పోస్టులు ఉన్నాయి. పోస్టును బ‌ట్టి నెల‌కు రూ.38,741 నుంచి రూ.1,71,597 వేత‌నం అందుకోవ‌చ్చు.

మొత్తం పోస్టులు: 51

సైంటిస్ట్ - డీ- 1
సైంటిస్ట్ - సీ- 08
సైంటిస్ట్ - బీ- 12
సైంటిఫిక్‌ అసిస్టెంట్‌- 13
అసిస్టెంట్‌ మేనేజర్‌ (ఫైనాన్స్‌)- 03
అడ్మినిస్ట్రేటివ్‌ అసిస్టెంట్‌- 1
టాక్సోనోమిస్ట్‌- 1
డేటాఎంట్రీ ఆపరేటర్‌- 4
ఫీల్డ్‌ అసిస్టెంట్‌- 8

అర్హతలు: పోస్టును బ‌ట్టి అభ్యర్థులు ఇంటర్మీడియట్‌, బ్యాచిలర్‌ డిగ్రీ, ఎంఎస్సీ, మాస్టర్స్‌ డిగ్రీ ఉత్తీర్ణత సాధించి ఉండాలి. కొన్ని పోస్టులకు అకడెమిక్ ఉత్తీర్ణతో పాటు గేట్ లేదా నెట్‌ స్కోర్‌ ఉత్తీర్ణత అవసరం. ఉద్యోగానుభవం ఉండాలి. సైంటిస్ట్ పోస్టులకు 35 నుంచి 50 ఏండ్లు, డేటాఎంట్రీ ఆపరేటర్​కు 32 ఏండ్లు, ఫీల్డ్ అసిస్టెంట్​కు 27 ఏండ్లు, ఇతర పోస్టులకు 35 ఏండ్ల‌ మించకూడ‌దు.

ఎంపిక విధానం: ఇంటర్వ్యూ ద్వారా. ఒకవేళ ఎక్కువ మంది ద‌ర‌ఖాస్తు చేస్తే రాత పరీక్ష నిర్వహించవచ్చు. ఎంపికైనవారు లక్నో, కోల్‌కతా, చండీగఢ్, ఢిల్లీలో ప‌నిచేయాల్సి ఉంటుంది. వ్యక్తిగత పనితీరు, సంస్థ అవసరాల నిమిత్తం కాంట్రాక్టు వ్యవధిని పొడిగిస్తారు.

దరఖాస్తు విధానం: ఆన్​లైన్‌లో
దరఖాస్తు ఫీజు: అప్లికేషన్ ఫీజు చెల్లించాల్సిన అవ‌స‌రం లేదు
దరఖాస్తుకు చివరి తేదీ: సెప్టెంబర్ 07
వెబ్​సైట్: https://www.cpcb.gov.in/

పూర్తి వివ‌రాల‌కు ఇక్క‌డ క్లిక్ చేయండి..