MP Tejasvi Surya | తెలంగాణ‌, ఏపీ విభ‌జ‌న‌పై బీజేపీ ఎంపీ తేజ‌స్వి వివాదాస్ప‌ద వ్యాఖ్య‌లు.. వీడియో

MP Tejasvi Surya | త్రినేత్ర‌.న్యూస్ : తెలంగాణ రాష్ట్ర ఏర్పాటుపై క‌ర్ణాట‌క బీజేపీ ఎంపీ తేజ‌స్వి సూర్య వివాదాస్ప‌ద వ్యాఖ్య‌లు చేశారు. మ‌హిళా రిజ‌ర్వేష‌న్ బిల్లుతో పాటు డీలిమిటేష‌న్ బిల్లుపై లోక్‌స‌భ‌లో చ‌ర్చ సంద‌ర్భంగా ఎంపీ తేజ‌స్వి సూర్య ప్ర‌సంగించారు. ఈ సంద‌ర్భంగా డీలిమిటేష‌న్ బిల్లును వ్య‌తిరేకిస్తున్న కాంగ్రెస్ పార్టీపై ఆయ‌న నిప్పులు చెరిగారు. దాంతో పాటు తెలంగాణ‌, ఏపీ విభ‌జ‌న‌ను ఇండియా, పాకిస్తాన్ విభ‌జ‌న‌తో పోల్చారు.

డీలిమిటేష‌న్ బిల్లును వ్య‌తిరేకిస్తున్న కాంగ్రెస్ పార్టీని తిట్టే క్రమంలో తేజ‌స్వీ సూర్య‌ తెలంగాణ ప్రస్తావన తెచ్చారు. గతంలో ఆంధ్రప్రదేశ్ నుంచి తెలంగాణను విడతీసిన తీరు దారుణంగా ఉందని ఆయన వ్యాఖ్యానించారు. గతంలో భారత్ నుంచి పాకిస్తాన్ ను ఎలా అశాస్త్రీయంగా విడదీశారో అలాగే తెలంగాణను కూడా విడదీశారని తేజ‌స్వీ సూర్య పేర్కొన్నారు. ఈ విభజనలో కనీస శాస్త్రీయ ప్రమాణాలు పాటించలేదన్నారు. కాబట్టి బ్రిటిష్ వారు చేసిన దేశ విభజన కంటే కాంగ్రెస్ చేసిన ఏపీ విభజన దారుణంగా ఉందన్నారు.

ఆంధ్రప్రదేశ్ ప్రజల మనోభావాల్ని, భవిష్యత్తును రాష్ట్ర విభజన సందర్బంగా అస్సలు పట్టించుకోలేదని తేజస్వీ సూర్య ఆరోపించారు. కేవలం రాజకీయ ప్రయోజనాల కోసమే రాష్ట్రాన్ని ముక్కలు చేశారని కాంగ్రెస్ పార్టీని విమర్శించారు. అయితే అప్పట్లో ఈ విభజనకు పార్లమెంట్లో బీజేపీ కూడా మద్దతిచ్చిన విషయాన్ని మాత్రం ఆయన ప్రస్తావించకపోవడం విశేషం.

తెలంగాణ, ఆంధ్ర విభజనను ఇండియా, పాకిస్తాన్ విభజనతో పోలుస్తూ కర్ణాటక బీజేపీ ఎంపీ తేజస్వి సూర్య వివాదాస్పద వ్యాఖ్యలు pic.twitter.com/47nkY5a2kS

— Telugu Scribe (@TeluguScribe) April 16, 2026